| 2.Müəllimlərin şagirdlərin öyrənilməsi metodları ilə tanış edilməsi;
Hər bir müəllim gündəlik peşəkar fəaliyyətində rastlaşdığı pedoqoji situasiyaların həllində şübhəsiz ki, psixoloji biliklərə bu və ya digər səviyyədə istinad etməli olur. Lakin bütün müəllimlər heç də həmişə lazımi psixoloji səriştə nümayiş etdirə bilmir, böhranlı situasiyalarda çaşıb qalır və ya gülüş hədəfi olurlar. Şagirdləri öyrənmə metodları haqqında kifayət qədər nəzəri biliyə, tədqiqat metodikalarına bələd olmayan müıllimlər onların maraq və meyilləerini, Təlimdə geridəqalmanın, ayrı-ayrı şagirdlərin qüsurlu davranışının səbələrini öyrənməkdə, belə halların daha səmərəli üsullarla aradan qaldırılması yollarını müəyyənləşdirməkdə çətinlik çəkirlər. Məktəb psixoloqu müəllimlər arasında psixolojibiliklərin təbliğatçısı kimi onlara şagirdlərin təlim əməyinin nəticələrini, davranış motivlərini, həyat planlarını, idrak maraqlarını, ünsiyyət dairəsini, sinifdəki mövqeyini müəyyənləşdirməyə imkan verən tədqiqat metodları ilə tanış etməli, ayrı-ayrı metodikaların tətbiqi xüsusiyyətləri haqqında məlumat verməli, tematik konsiliumlar, sosial-psixoloji treninqlər keçirməlidir. Psixoloq müəllimləri şagirdlər haqqında informasiyanın əldə edilməsi mənbələri ilə tanış etməli, daha etibarlı mənbələrin diaqnostik metodikalar olduğunu bildirməlidir.
Dostları ilə paylaş: |
