Mövzu Psixodiaqnostika anlayışı onun məzmunu və vəzifələri. Plan

3.Müəllimlərin korreksiya metodları ilə tanış edilməsi.

Psixoloqun müəllimlər arasında apardığı maarifləndirmə işinin sistemində onların müxtəlif korreksion metodikalarla tanış edilməsi mühüm yer tutur. Psixokorreksiya üzrə işlər şagirdlərin koqnitiv proseslərindən tutmuş, şəxsiyyət keyfiyyətlərin, onların yaşlılar və yaşıdları ilə qarşılıqlı müansibətlərinin, davranış patologiyaları da daxil olmaqla çox böyük fəaliyyət zonasını əhatə edir. Müəllimləri qeyd olunan sahələrdə fəaliyyət üçün zəruri metodikalarla və iş üsulları ilə tanış edən psixoloq onlarla fərdi və qrup halında iş apararaq bu metodikalarla işin xüsusiyyətləri ilə məlumatlandırır. Psixokorreksion metodikalarla müəllimlərin tanış edilməsi məqsədilə psixoloq tematik seminarlar təşkil edə bilər.

Psixoloqun müəllimlərlə apardığı psixoloji konsulyasiya işlərinin sistemində əsas vəzifəsi hər bir şagirdin şəxsiyyət kimi inkişafı üçün inkişafetdirici optimal mühitin yaradılmasına kömək göstərməkdən ibarətdir.

Təlim-tərbiyə prosesində, şəxsiyyətyönümlü və nəticəyönümlü pedoqoji əməkdaşlıq şəraitinin yaradılmasına ixtisaslı mütəxəssis kimi məktəb psixoloqunun rolu böyükdür. Psixoloqdan ixtisaslı məsləhət və yardım alan müəllimlər özlərinin gündəlik peşəkar fəaliyyətində hər bir şagirdə fərdi yanaşmanın priyomlarını öyrənir, onların konkret psixoloji xarakteristikaları haqqında etibarlı məlumatlar əldə etmək imkanı qazanır. Onlar arasındakı peşə əməkdaşlığı, ümumi və ortaq vəzifələrin birgə həllinə yönəlmişdir. Psixoloq müəllimlər arasında müasir pedoqoji-psixoloji təlim nəzəriyyələrini, yeni, fəal və interaktiv texnologiya və innovasiyaları təbliğ edir, onları təlim prosesində şagirdlərin fəaliyyətinin motivləri, təlim-tərbiyə proseslərinin idarə olunmasının texnologiyası və şagird nailiyyətlərinin qiymətləndirilməsi metodikaları ilə tanış edir. Müəllimlərlə keçirilən konsultasiyalar zamanı psixoloq müəllimlər tərəfindən tətbiq edilən təlim metodları və metodiklarına qarışmır və onlara müdaxilə etmək hüququna malik deyildir.

Müasir pedoqoji-psixoloji biliklərin fəal təbliğatçısı olan osixoloq müəllimlərlə şagirdlər və şagirdlərin özləri arasındakı qarşılıqlı münasibətlərin xarakterinin öyrənilməsinə xüsusi diqqət yetirir. O, bu münasibətlərin humanist və demokratik olmasına, mənəvi və işgüzar dəyərlər əsasında qurulmasına fəal yardımçı rolunda çıxış edir.

Psixoloqun konsultativ işinin sistemində müəllimlərin pedoqoji-psixoloji mədəniyyətinin yüksəldilməsi, peşə hazırlığının təkmilləşdirilməsi, onlarda mənəvi və peşə şüurunun, yeni pedoqoji və metodik təfəkkürün formalaşdırlması məsələləri mərkəzi yer tutr. Bu məqsədlə psixoloq müəllimlərin daimi fəaliyyət göstərən seminarını təşkil edir və bu arada onların peşəkar fəaliyyəti prosesində meydana çıxan müxtəlif pedoqoji-psixoloji problemlərin işgüzar müzakirlərini keçiri.

Psixoloq məktəb rəhbərliyinin və yuxarı təhsil orqanlarının göstərişi ilə müəllimlərin peşəkarlıq səviyyəsinin qiymətləndirilməsinsə fəal iştirak edir, öz rəyini bildirir. Belə qiymətləndirmə zamanı psixoloq pedoqoji fəaliyyətin və müəllim şəxsiyyətinin aşağıdakı əsas cəhətlərinə xüsusi diqqət yetirməlidir:

• 
  Müəllimin ixtisas- peşə hazırlığı və təlim- tərbiyə işindəki uğurları;
  
• 
  Müəllim şəxsiyyətinin tipoloji xüsusiyyətləri, kollektivdə və şagirdlər arasında reytinqi;
  
• 
  Müəllimin aqressivliyinin qiymətləndirilməsi;
  
• 
  Onun ünsiyyətlilik səviyyəsi və şagirdlərlə qarşılıqlı münasibətlərinin tərzi;
  
• 
  Konflikli situasiyalarda davranışı;
  
• 
  Müəllimin peşə fəaliyyətində mövcud maneə və əngəllər;
  
• 
  Müəllimin mühüm şəxsi peşəkar keyfiyyətləri.