Mualliflar: I. A. Nosirov, G. M. Xojayeva Kirish

Sharq nasihatlari va g’arb hikoyatlari

(MA’NAVIYAT ASOSLARI VA MA’NAVIYAT SAOTLARI UCHUN OQUV QO’LLANMA)

Farg’ona 2014

Mualliflar:

I.A.Nosirov,

G.M.Xojayeva

Kirish

Mamlakatimiz istiqboli yosh avlodimiz qanday tarbiya

topishiga, qanday ma’naviy fazilatlar egasi bo’lib voyaga

yetishiga, farzandlarimizning hayotga nechog’li faol

munosabatda bo’lishiga , qanday oliy maqsadlarga hizmat

qilishiga bog’liq ekanini hamisha yodda tutishimiz kerak

I.A.Karimov

Mamlakatimiz mustaqillikka erishganidan so’ng, boshqa sohalar singari ta’lim tizimi tubdan isloh qilindi. Bu o’tgan yillar davomida ushbu sohada samarali yutuqlarga erishildi. Ta’lim tizimida olib borilayotgan islohotlarning bosh maqsadi komil insonni tarbiyalash, ozod va obod Vatan, erkin va farovon hayotni barpo etish yo’lida fidoiylik ko’rsata oladigan bilimdon ysohlarni tarbiyalashdan iborat.

Mustaqillik yillarida ta’lim timiziga joriy etilgan “Ma’naviyat asoslari” fani va “Ma’naviyat soatlari” o’quv soatlari o’quvchi yoshlarning har tomonlama barkamol bo’lib yetishishlari, ijtmoiy – siyosiy ong darajalari o’sishi, erkin fuqarolik jamiyati ishtirokchilari va yuksak ma’naviyatli bo’lib yetishishlari yo’lidagi muhim qadamlardan bo’ldi.

Ushbu o’quv soatlarini o’qitishda e’tibor berish lozim bo’lgan jihatlardan biri, “rivoyat – terapeya” usulidan foydalanib mashg’ulotlarni o’tkazish muhimligini hisobga olgan xolda, e’tiboringizga ushbu o’quv qo’llanmani xavola etmoqdamiz.

Ushbu qo’llanma o’rta maxsus, kasb – hunar ta’limi tizimida “Ma’naviyat soatlari” o’quv - tarbiyaviy soatlari uchun, “Ma’naviyat asoslari” fanlari uchun qo’shimcha adabiyot sifatida foydalanish maqsadida yaratildi.

Ushbu ikki qismdan iborat qo’llanma oraqali o’quvchi - yoshlar ongiga insoniylik, poklik, rostgo’ylik, halollik va boshqa umuminsoniy qadriyatlarni singdirish niyatida buyuk donishmandlarning hikmatli so’zlari va g’arb xalqlarning ibratli hikoyalariga murojaat qilingan.