| AQLNING USTUNLIGI
Bino qurilishida ishlayotgan yoshgina xizmatchi barchadan ustunligini pesh qilib, o’zidan keksaroq ishchining ustidan kulardi. Keksa xizmatchining joniga tegdi va:
- Mayli, sen bilan bir haftalik maoshim evaziga bahslashaman, - dedi. – Shu qarshingdagi binoga arava bilan shunday narsa olib boramanki, sen uni arava bilan qaytib olib keta olmaysan. Kelishdikmi?
- Mayli qariya, - dedi osmonlarda uchib yurgan yigit. - Ko’ramiz, nima qilarkansan.
Qariya bir oz o’tib aravani keltirdi va qo’li bilan imlab:
- Qani, aravaga chiq, - dedi...
KUNDUZ VA KECHA
Bir olim kishi talabalari bilan cho’lda o’tirganida so’radi:
- Kecha bilan kunduzni qanday ajratasizlar? Aniqrog’i, kecha va kunduz qachon kirganini qanday aniqlaysiz?
Talabalardan biri:
- Uzoqdagi suvga qarayman, - dedi. - Qo’yni echkidan ajrata olmaganimda kech tushgan bo’ladi.
Boshqa bir talaba:
-Ustoz, anjir daraxtidan zaytun daraxtini ajratganimdan so’ng bilamanki, tong otgan bo’ladi. Olim uzoq sukut qildi.
- Siz nima deb o’ylaysiz, ustoz? - deb qiziqib so’rashdi talabalar.
Uzoq sukutdan so’ng olim shunday javob berdi:
- Yurayotganimda yo’limdan chiqqan ayol chiroylimi, xunukmi, oqmi yoki qora bo’lishidan qathi nazar unga «singlim» deya murojaat qila olganimda yoki oldimdan chiqqan erkak boymi, faqirmi deb ajratmasdan, millati, dini va irqi qanday bo’lishidan qathi nazar unga: «Birodar, do’stim» deya olganimda, bilamanki, tong otgan bo’ladi.
Dostları ilə paylaş: | 
