Tədqiqatın obyekti və predmeti: Dissertasiyada tədqiqat obyekti kimi Azərbaycan Respublikasımn milli iqtisadiyyatı və iqtisadi siyasətin əsas həlqələrindən olan maliyyə siyasəti götürülmüşdür. Tədqiqatın predmetini milli iqtisadiyyatın inkişafında maliyyə siyasəti və onun təkmilləşdirilməsi istiqamətləri təşkil edir.
Tədqiqatın informasiya bazası: Tədqiqatın nəzəri-metodoloji bazasını bu sahədə Azərbaycan Respublikası Milli Məclisinin qəbul etdiyi qanunvericilik aktları, xarici və yerli iqtisadçı alimlərinin dərc edilmiş əsərləri, dünya klassik və neoklassik məktəblərin elmi-nəzəri konsepsiyaları, Azərbaycan Respublikası Prezidentinin milli iqtisadiyyatın inkişafı və tənzimlənməsi ilə bağlı fərman və sərəncamları, Mərkəzi Bankın, Azərbaycan Respublikası Dövlət Statistika Komitəsinin, Maliyyə, Vergi və İqtisadi İnkişaf Nazirliklərinin, komitələrinin və Beynəlxalq Maliyyə İnstitutlarına əsaslanan məlumatlar təşkil edir.
