Mübariz süleymanli

Beçə şanı (Büt.ş.) – birinci dəfə çəkilmiş şan.

Qısır arı (Büt.ş.) – beçə verməyən arı ailəsi. Göy­çay şivələrində bu mənanı həm qısır, həm də höürə get­məyən arı sözləri ifadə edir [96].

Dalax (C., P., Buz.) – arının əsas şanı doldurduqdan son­ra düzəltdiyi əl böyüklüyündə şan.

Erkəx arı (Büt.ş.) – erkək arı. Ana arı mayalan­dıq­dan sonra erkək arı pətəkdən qovulur.

Erkəxləməx (Büt.ş.) – pətəkdə ana arı olmayanda arılar işə getmir və beləliklə məhsul olmur.

Əkə arı (Büt.ş.) – iki, üç dəfədən artıq beçə verən arı ailəsi. Belə pətəkdən yüksək məhsul götürülür.