Sual: Həcc kimlərə vacibdir?
Cavab: Aşağıda sadalanacaq şərtlərə malik insanlara ömründə bir dəfə Həccə getmək vacibdir: Həddi-büluğ həddində olsun; aqil olsun; Həccə getmək qüdrəti olsun; Həccə getməsi onun haram işə yol verməsinə, vacib bir işdən çəkinməsinə səbəb olmasın (haramı tərk etmək, vacibi yerinə yetirmək Həccdən mühümdür).
Sual: Həcc qüdrəti (istitaət) dedikdə nə nəzərdə tutulur?
Cavab: Insanın istitaətli (qüdrətli) sayılması üçün altı şərtin olması zəruridir:
1. Sağlamlıq, Həcc əməllərini yerinə yetirmə gücü;
2. Səfər xərcini ödəyəcək imkan;
3. Həccə gedən şəxsin himayəsində olanların Həccdən qayıdanadək xərclərinin ödənməsi;
4. Yolun maneəsiz olması, yolda insanın canı, şəxsiyyəti və malı üçün təhlükələrin olmaması;
5. Həcc əməllərini yerinə yetirmək üçün kifayət qədər vaxt olması;
6. Həccə getmək istəyən şəxsin elə bir işi və qazancı olmalıdır ki, Həccdən qayıtdıqdan sonra öz ehtiyaclarını və himayəsində olanların ehtiyacını ödəyə bilsin.
Dostları ilə paylaş: | 
