MüƏLLİF: ayətullah əHMƏd ehtimam
Yüklə 1,31 Mb.
|
- Bu səhifədəki naviqasiya:
- “nə yaxşı ki, mən belə deyiləm”
| Birlikdə düşünək
Necə olur ki, hər gün dəfələrlə güzgüyə baxır və necə gözəl göründüyümüzdən bəhs edirik?! Amma bunun üçün bizi gözəl yaradan Gözəl Allaha təşəkkür edirikmi?! Necə olur ki, məktəbdə, universitetdə iti zehnimizin gücünə əldə etdiyimiz nəaliyyətlər üçün alqışlanırıq?! Amma bu qabiliyyəti bizə bəxş edən Alim olan Allaha təşəkkür edirikmi?! Necə olur ki, bizə yaxın olan birisinin, bir gün qabaqdan saatın 12-ni göstərdiyi an ad gününü təbrik etmək üçün can atırıq və onlardan təşəkkür aldığımıza görə sevinirik?! Amma bizi bu dünyada var edən Allahın rizasını, təşəkkürünü qazana bilirikmi?! Necə olur ki, qarşımıza fiziki və ya zehni cəhətdən qüsuru olan biri çıxdığında, daxilən: “nə yaxşı ki, mən belə deyiləm” – deyə düşünürük?! Amma ona şəfa1 verməsi üçün və bu cür qüsurların bizdə olmadığına görə, bizi sağlam yaradan Şafi olan Allaha təşəkkür edirikmi?! Necə olur ki, dostumuzun bizə verdiyi hər hansı bir hədiyyəyə görə ona öz minnətdarlığımızı və təşəkkürümüzü bildiririk?! Amma gün ərzində zəhmət çəkib yorulduğumuzda dincəlmək üçün isti bir yuvamızın olmasına görə, bizi qapıda qarşılayacaq min zəhmətə qatlaşıb, ömrünü bizə sərf edən, uğrumuzda saç ağardan ata-anamızın, gülərüzlü öladımızın, həyat yoldaşımızın, bacımızın və s. varlığı üçün, həmçinin aldığımız hər nəfəs üçün, yaşadığımız və yaşayacağımız hər gün üçün, sağ-salamat olduğumuz üçün Mehriban və Qüdrətli olan Allaha təşəkkür edirikmi?! Necə olur ki, 10 manatı məsciddə sədəqə verdikdə bu məbləğ bizə çox görünür?! Amma alış-verişə 100 manat xərclədikdə isə az görünür?! Necə olur ki, Allaha, Qur`ana inanır, müsəlman olmağımızı, habelə xümsün vacibliyini qə`bul edir, lakin ildə bir dəfə öhdəmizdə olan xümsü ödəmək istəmirik?!.. Amma pulumuzun çox hissəsini haramlarda, o cümlədən barlarda, qumarda, ağlı məst edici içkilərdə və s. batil yollarda rahatlıq və sevinc hissi ilə xərcləyirik?! Necə olur ki, namaza və ibadətə sərf etdiyimiz yarım saatlıq müddət bizə uzun görünür?! Amma televizor qarşısında isə qısa görünür?! Necə olur ki, Qur`andan bir hissəni candərdi oxuyuruq və ya heç oxumaq istəmirik?! Amma xoşladığımız roman və ya poema əlimizdən düşmür?! Necə olur ki, Qur`andan bir hissəni əzbərləməkdə nə qədər çətinlik çəkirik?! Amma edilən dedi-qoduları, qeybəti və boş söhbətləri isə tez yadda saxlayırıq?! Necə olur ki, qəzetlərdə yazılanlara tez inanırıq?! Amma Allahın Kitabı Qur`anda yazılanlara isə şəkk və tərəddüdlə yanaşırıq?! Necə olur ki, hamımız Cənnəti arzulayırıq?! Amma bunun üçün zəhmətə qatlaşmaq istəmirik?!
Necə olur ki, ömrümüz boyu başqalarının hörmətini, razılığını qazanmaq üçün əlimizdən gələni edirik?! Amma Allahın razılığını qazanmağa gəldikdə isə “vaxtım yoxdur” bəhanəsilə aradan çıxırıq?! Necə olur ki,........?!
Yüklə 1,31 Mb. Dostları ilə paylaş:
|