| 2. Xümsü ödəməyən qəsbkardır:
Bildiyimiz kimi, şər`ən icazə almamış başqalarının malına toxunmaq qəsb2 sayılır. Digər tərəfdən illik gəlirdən artıq qalan qazancın beşdə biri İmama çatır. Demək, bir şəxs illik qazancından artıq qalan miqdarın beşdə birini İmama təhvil verməsə, onun bu işi qəsb sayılır. İmam Baqir (ələyhissəlam) buyurur: “Bir şəxs xümsü verilməmiş pulla bir şey alarsa, haram bir şey almış sayılır.”3
Ishaq ibn Əmmar İmam Baqirin (ələyhissəlam) belə buyurduğunu nəql edir: “Insanın xümsü verilməmiş mal ilə bir şey almağa haqqı yoxdur. O deyə bilməz ki, aldığını öz pulu ilə alıb. Yalnız xüms sahibi icazə versə mümkündür.”4
Gördüyünüz kimi, İmam (ələyhissəlam) hər iki rəvayətdə xümsü verilməmiş maldan istifadəni haram sayır. Nəticədə aydınlaşır ki, xümsü verilməmiş mal qəsb olunmuş sayılır.
Dostları ilə paylaş: |
