| 1.2 Monotonluğun davranış üzərindəki təsirləri.
Təşkilatlar yaşamımızın hər yönünü əhatə etməkdədir. Günlük həyatımızda, müxtəlif səbəblərlə çoxu ilə bir bağ qurduğumuzun fərqindəyik. Həyatımızın böyük bir hissəsi işlədiyimiz müəssisələrdə keçir və ya onlardan məyyən məsələlərdə təsirlənir. Belə ki, onlardan biri məhz monotonluqdur. Monotonluq müəyyən səbəblərdən yaranır və başqa-başqa aspektlərdə işçilərə təsir edir. Bu, gündəlik yaşamımızda da belədir. Belə bir problemlə üzləşdikdə bunu insanlarla əlaqə qurarkən istər bilərəkdən və ya bilməyərəkdən ətraf mühitə yansıdırıq. Məsələn, işsizlikdən əziyyət çəkən bir fərd həyatının monotonluğundan şikayətlənir və ya işdən sonra heç bir məşğuliyyəti olmayan işçi də bu fikrə sahib ola bilər. Hər iki halda insan yorulur və bu insanda bezginlik halı müşahidə olunur. Lakin təşkilatın bir üzvü kimi çıxış edən işçi bu problemi işinə yansıdır və daha böyük problemlər ortaya çıxa bilir. Bunlar, işin keyfiyyətində, işçilərin bir-birilə əlaqələri zamanı, məhsuldarlıqda, davamsızlıqda, işçi dövriyyəsi və s. kimi məsələlərdə özünü göstərir.
Dostları ilə paylaş: |
