1. Interfaol ta’lim usullarining nazariy asoslari

1. INTERFAOL O‘QITISH USULLARINI NAZARIY ASOSLARI
1.1 Boshlang'ich sinflarda interfaol ta’limning asosiy tamoyil, shakl va omillari.
Mamlakatimizda ta’lim sohasida amalga oshirilayotgan islohotlar yangi ta’lim standartlarini ishlab chiqish, yangi o‘quv fanlari, yangi darslik va o‘quv-uslubiy qo‘llanmalarni joriy etish bilan birga o‘qitish uslublarini ham o‘zgartirish zaruratini keltirib chiqardi. Kadrlar tayyorlash milliy dasturini amalga oshirish sharoitida o‘quv jarayonini interfaol o‘qitish usullaridan foydalanmasdan tasavvur etib bo‘lmaydi. Interfaol usullardan foydalanish quyidagi shart-sharoitlarni yaratishga imkon beradi:
turli yechimlarni izlash va tahlil qilishni talab qiladigan maqsad va vazifalarni belgilash;
natijalarga erishish uchun faoliyatning turli usullarini tanlash;
muloqot qobiliyatlarini rivojlantirish; bajarilgan ishlar haqida fikr yuritish;
tezlik va moslashuvchanlik kabi muhim ijtimoiy ko'nikmalarni rivojlantirish;
qaror qabul qilishda fikrlash, muammolarga tanqidiy yondashish;
boshqa odamlarning fikrini hurmat qilish, guruhda, jamoada samarali ishlash qobiliyati, yangi vaziyatga, yangi jamoaga, o'zgaruvchan sharoitlarga tezroq moslashish.
Zamonaviy pedagogik amaliyotda o'qitishning bir necha o'nlab yangi strategiyalari, uslublari va usullari, jumladan, interaktivlar ishlab chiqilgan va qo'llanilgan. Zamonaviy o'qituvchi, o'qitiladigan fan yoki o'quv intizomidan qat'i nazar, interfaol o'qitish usullarining zarur "arsenaliga" ega bo'lishi va o'quv jarayonida ulardan foydalana olishi kerak.
Interfaol metod – ta’lim jarayonida o’quvchilar hamda o’qituvchi o’rtasidagi faollikni oshirish orqali o’quvchilarning bilimlarni o’zlashtirishini faollashtirish, shaxsiy sifatlarini rivojlantirishga xizmat qiladi. Interfaol metodlarni qo’llash dars samaradorligini oshirishga yordam beradi. Interfaol ta’limning asosiy mezonlari: norasmiy bahs-munozaralar o’tkazish, o’quv materialini erkin bayon etish va ifodalash imkoniyati, ma’ruzalar soni kamligi, lekin seminarlar soni ko’pligi, o’quvchilar tashabbus ko’rsatishlariga imkoniyatlar yaratilishi, kichik guruh, katta guruh, sinf jamoasi bo’lib ishlash uchun topshiriqlar berish, yozma ishlar bajarish va boshqa metodlardan iborat bo’lib, ular ta’lim-tarbiyaviy ishlar samaradorligini oshirishda o’ziga xos ahamiyatga ega.