| 30. Dövlətin valyuta siyasətinin iqtisadiyyatın dövlət tənzimlənməsində rolu
Azərbaycan Respublikasının xarici –iqtisadi siyasətinin mühüm tərkib hissəsindən biri də beynəlxalq valyuta siyasəti hesab edilir. Odur ki, beynəlxalq iqtisadi əlaqələrin tənzimlənməsində valyuta münasibətləri ən mürəkkəb və çox cəhətli sahədir.
Belə ki, ölkələr arasında iqtisad i əlaqələr genişləndikcə mallar alış-veriş çoxaldıqca belə bir problem ortalığa çıxır ki, bu ölkələr hansı formada bir-biri ilə hesablaşmalıdır. Türkiyə mallarını alan Azərbaycan alıcısının türk lirəsi yoxdur və ya əksinə. Deməli, bunlar elə bir ortaq pul vahidinə razılaşmalıdırlar ki, hər ikisinin tələbatı ödənilsin. Buna görə də bütün ölkələrdə milli pul vahidi yaradılmışdır və mövcuddur.
Həmin pul vahidi ölkələrə imkan verir ki, başqa ölkələrlə beynəlxalq iqtisadi əlaqələrə girərək hesablaşma aparsın. Belə hesablaşmalar zəruriliyindən ölkələr «Milli valyuta sistemi» yaratmışlar.
Milli valyuta sistemi əsasında beynəlxalq valyuta sistemi yaranır və bu da beynəlxalq valyuta münasibətlərinin tənzimlənməsinə imkan verir. Beynəlxalq valyuta sisteminin təşkili beynəlxalq bazarın yaranması nəticəsində meydana gəlmişdir və dövlətlərarası münasibətlərin inkişafını təmin edir.
Dostları ilə paylaş: | 
