1ci blok Yol hərəkətinin idarə edilməsinin əhəmiyyəti

Əsas və aralıq takt­ların çoxluğu və ya məcmusu nizam­lama fazası ad­lanır.
Yol ayrıclarında adətən 2, 3 və 4 fazalı nizamlama tətbiq edilir. Qeyd edək ki, mövcud svetofor obyektlərinin 70% -də iki fazalı, 30% -də üç fazalı tsikl tət­biq edilir. Dörd və çox fa­zalı nizamlama isə nadir hallarda tətbiq edilir. Ni­zam­lama fa­zalarının sayı yol ayrıclarındakı mübahisəli nöqtələrin xarakteri və istiqa­mətlər üzrə hərəkət intensivliyinin qiymətlərindən asılıdır. Fazaların sayının s­e­çilməsi zidiyyətli məsələdir. Belə ki, hərəkətin təhlükəsizliyi cəhətdən fazaların sayı maksimum, nəqliyyat ləngimələri və yol ayrıclarının buraxma qabiliyyəti cə­­hətdən isə minimum olmalıdır.
Ümumiyyətlə, mövcud küçə-yol şəbəkəsi düyünlərində ni­zam­lama fazala­rı­nın sayı aşağıdakı amillərdən asılıdır:
 mübahisəli nöqtələrin sayı və xarakteri;
 sola dönmələrin sayı və intensivliyi;
 piyada keçidlərinin sayı və piyadaların ümumi hərəkət intensivliyi;
 sağa dönmələrin sayı və intensivliyi;
 kəsişən küçələrin eni və ayırıcı zolağın olması.
Sola dönmələrin təhlükəsizliyinin yüksəldilməsi üsulların­dan biri də əlavə seksi­ya­lar tətbiq etməklə, III fazanın yaradılmasıdır. Bu üsul o vaxt tətbiq oluna bilər ki, yol ayrıcı girişlərində sola dönmələrin sərbəst dayanması üçün əlavə hə­rəkət zolağı olsun. Real şəraitlərdə belə zolaqlar olmadıqda yol ayrıcı girişləri ge­nişləndirilməlidir. III fazanın yaradılmasına o vaxt ehtiyac yaranır ki, sola dön­­mə­lə­rin intensivliyi 120 avt/saat -dan yüksək olsun.
Bəzən sağa dönmə istiqamətində də əlavə seksiyaların yara­dılmasına ehti­yac duyulur. Bu o halda olur ki, sağa dönmələrin intensivliyi 120 avt/saat -dan çox olsun. Belə intensivliklərdə sağa dönmələrlə piyada axınları arasında müba­hi­səli vəziy­yət­lərin qalması yolverilməzdir.
Əgər yol ayrıclarında əlavə seksiyalar tətbiq etməklə III fa­za­nı yaratmaq mümkün deyildirsə (ehtiyat hərəkət zolağı olma­dıqda) onda, sola dönmələr yol ay­rıclarından kənarda təşkil edi­lir. Məsələn, sola dönmə ensiz küçədən geniş kü­çəyədirsə, həmin avtomobillər sağa döndərilərək geriyə qaytarılır və düz isti­qa­mətdə hərəkət etdirilir. Əksinə, sola dönmələr geniş kü­çə­dən dar küçəyədirsə, onda onlar düzünə göndərilərək geriyə qaytarılır və sağa döndərilir.
III fazanın tətbiqi ilə yol ayrıclarında hərəkətin təşkili sxemi variantlarının sayı da artmış olur. Variantlar seçildikdə müba­hisəli istiqamətlərdəki hərəkət in­ten­sivlikləri və yol ayrıcı gi­rişlərindəki hərəkət zolaqlarının sayı da nəzərə alın­ma­lıdır.
Piyadaların təhlükəsizliyini yüksəltmək üçün sağa dönmələr dayandırılır və III fazada buraxılır. Bu məqsədlə bəzən sırf piyada fazasından da istifadə oluna bilər.