12 Mal íre cennes i nís, Yésus yalle se insenna ar quente: “Nís, nalye leryaina i hlívello lye-cárala milya.” 13 Ar panyanes máryat sesse, ar mí imya lú orontes tarien téra, ar antanes alcar Erun. 14 Mal i turco i *yomencavo, nála rúşea pan Yésus nestane i *sendaresse, quente i şanganna: “Ear auri enque yassen mauya mole! Etta tula mi tai náven nestaina, ar lá i *sendaresse!” 15 Mal i Heru hanquente senna: “*Imnetyandor, ma ua ilquen mici le i *sendaresse lehta mundorya hya *pelloporya ho i salquecolca ar tulya se oa sucien? 16 Mal nís sina, ye ná Avraham yelde ye Sátan ehépie hampa ter loar toloque – ma ua mauyane se-lehta núte sinallo i *sendaresse?” 17 Ar íre quentes ta, ilye i tarner senna náner nucumne, ar i quanda şanga sáme alasse pa ilye i alquarinque nati yar martaner sénen.
