Ilye i *tungwemor ar úcarindor túler hare senna hlarien se. 2 Etta i Farisar ar i şanyengolmor nurruner, quétala: “Nér sina came úcarindor ar mate aselte!” 3 Tá quentes sestie sina téna: 4 “Man ná i nér mici le arwa mámaron tuxa ye ua, qui er mici te ná vanwa, hehtuva i nerte *neterquean i erumasse ar cestuva i vanwa máma tenna hirises? 5 Ar apa hirie se panyuvas se pontiryasse, arwa alasseo. 6 Ar apa tulie marda tultas meldoryar ar armaroryar ar quete téna: 'Na valime asinye, an ihírien mámanya, ye náne vanwa.' 7 Quetin lenna i mí imya lé, íre er úcarindo hire inwis, ea menelde alasse túra lá ya ea pa úcarindor nerte *neterquean i uar same maure inwisteva.
8 Hya man ná i nís ye same racmar quean ye ua narta calma ar poita coarya qui er mici tai ná vanwa, cestala harive tenna hirises? 9 Ar íre sa-ihíries, comyas melderyar ar *armareryar ar quete: 'Na valime asinye, an ihírien i racma ya náne vanwa nin!' 10 Sie, quetin lenna, euva alasse mici Eruo valar pa er úcarindo ye hire inwis.”