12 Mal yando *tungwemóli túler náven tumyaine, ar quentelte senna: “*Peantar, mana caruvalme?” 13 Quentes téna: ”Áva cane telpe han i vanima nonwe.” 14 Ente, i móler mí hosse maquenter senna: “Mana elme caruvar?” Ar quentes téna: “Áva *tarasta aiquen, ar áva quete huruvi pa ongwi yar queni uar acárier, mal lava *paityalelda farya len.”
15 Sí i quanda lie yente ompa yanna martumne, ar illi sanner endaltasse pa Yoháno: ”Cé sé i Hristo ná?” 16 Yoháno hanquente illin: “Inye *tumya le nennen; mal túla ye ná polda lá ni; inye ua valda lehtien hyaparyato latta. Le-*tumyuvas Aire Feanen ar nárenen. 17 *Saltamarya ea máryasse poitien *vattarestarya, ar comyuvas orirya mir i haura, mal i *ospor urtuvas nárenen ya *úquen pole *luhtya.”
