2915-“İaşə məhsullarının istehsal texnologiyası” fənni üzrə Mühazirə 1;2

Dana yaxud qoyun ətindən əzmə kotlet. Burada hazırlanmış yarımfabrikat 
qazmaq tutunca əsas üsul üzrə qızardılır və sonra 5-10 dəqiqə qızdırıcı şkafa 
qoyulub əlavə qızardılır. 
Bu xörək porsluq bludlarda süfrəyə verilən və ətin yanına gül dəstəsi şəklində 
sadə yaxud 3-4 növ tərəvəzdən ibarət (qızardılmış yaxud suda bişirilmiş kartof, 
buğda bişirilmiş kələm, göy noxud, çiçək kələm yaxud Brussel kələmi və i.a) 
qarnir qoyulur. 
Süfrəyə verilən zaman kotletin üstünə kərə yağı tökülür və sümüyünə 
papilyotka (kağız borucuq) geydirilir. 
Hər pors üçün burada 170 q qoyun əti (bel hissəsi) yaxud 180 q dana əti (bel 
hissəsi), 15 q suxarı (urvalanmış unun), 1/7 ədəd yumurta, 10 q yağ (qovurmaq 
üçün), 5 q kərə yağı və 150 q hazır qarnir götürülür. 

---

28
Kababların hazırlanması və süfrəyə verilməsi.  
Azərbaycan kulinariyasında quru xörəklərin əksəriyyəti qoyun ətindən 
hazırlanır. Burada qoyun ətinin ayrı-ayrı hissələrindən paylıq tikələr, xırda 
doğranmış tikələr, yaxud da qiymə şəklində istifadə edilir. Bəzən quru xörəklər 
mal, toyuq, cücə, hind toyuğu, ördək və qaz ətindən də hazırlanır. 
Balıqdan hazırlanan quru xörəklərin çeşidi nisbətən məhduddur, bunlardan 
əsasən bəzi xörəklər üçün xuruş hazırlanır. 
Quru xörəklər süfrəyə veriləndə yanına cürbəcür təzə göyərtilər; göy yaxud 
baş soğan, keşniş, şüyüd, kəfər, vəzəri, qırmızı turp, reyhan, tərxun, nanə və habelə 
müxtəlif ədviyyatlar; sumaq, istiot, duz qoyulur. Bəzən ət xörəklərinin yanına 
narşərab, sirkə yaxud limon qoyulur. 
 
Tikə -kabab. Tikə -kabab üçün qoyun cəmdəyinin bel, yaxud bud hissəsindən 
35-40 q-lıq tikələr kəsilib şişə taxılı, üstünə duz səpilib və manqalda közərmiş 
kömür üzərində qızardılır. Kömür alovlanmasın deyə ona duzlu su çilənir. 
Ət şişə taxılan zaman həm yağlı, həm də yağsız tikələr götürülməlidir. Ətin 
bir qaydada qızarmasına fikir verilməlidir. Tikə-kababın bərabər qaydada 
qızarması üçün şişlər arabir çevrilir. 
Tikə-kabab hazır olan kimi süfrəyə verilməlidir. Tikə-kababın üstünə 
halqavari doğranmış baş soğan, habelə çöp şəklində doğranmış göy soğan və 
keşmiş tökülüb süfrəyə verilir. Bundan da başqa tikə kababın yanına bir neçə dilim 
limon, yaxud narşərab, sumaq, döyülmüş istiot və duz qoyulur. Yay zamanı tikə-
kababın hər payına 100 q şişdə qızardılmış pamidor da əlavə edilir. 
Hər pors üçün burada 350 q qoyun əti, 1 baş soğan, 10 q cəfəri və reyhan, 3 q 
sumaq, yaxud 5 q narşərab, təm üçün istiot, duz götürülür.