SUALLAR
1. Dinlə bağlı tədqiqat aparmağın zərurətinə dair ikinci dəlilin hansı məsələləri vardır?
2. İnsanın kamillikaxtarma hissini bəyan edin.
3. İnsanın əsas xüsusiyyətləri hansılardır?
4. Bu xüsusiyyətlərlə insanın həqiqi təkamülü arasında hansı əlaqə vardır?
5. İdeologiya hansı dünyagörüşə əsaslanır?
6. İkinci dəlilin məntiqi yolunu bəyan edin.
ƏSASLI MƏSƏLƏLƏRİN HƏLLİ YOLU
–Müqəddimə
–Tanışlıq yolları
–Dünyagörüşün növləri
–Tənqidlər və araşdırmalar
–Nəticə
MÜQƏDDİMƏ
İnsan dünyagörüşün əsaslı məsələlərini həll etmək və haqq dinin əqidə prinsipləri ilə tanışolma məqamına gəldiyi vaxt ilk növbədə bu suallarla qarşılaşır: Bu məsələləri hansı yolla həll etməlidir? Səhih və əsaslı nəzəriyyəni hansı yolla əldə etmək lazımdır və ümumiyyətlə, tanışlıq üçün hansı yollar mövcuddur? Tanışlıq əldə etmək üçün bu yollardan hansını seçməlidir?
Bu mətləblərin ətraflı və peşəkar səviyyədə araşdırılması fəlsəfənin mərifətşünaslıq (epistimologiya) bölməsinin öhdəsinə düşür. O, insan tanışlığının (mərifətinin) müxtəlif növlərini araşdırıb müəyyən edir. Bu kitabda onların hamısının araşdırılması bizi öz hədəfimizdən yayındırar. Buna görə də ehtiyac duyulan mətləblərdən bəzilərini qeyd etməklə kifayətlənir və bu barədə ətraflı tədqiqat aparmağı oxucuların özünə həvalə edirik.1
Dostları ilə paylaş: | 
