Nöqtələr
◘Qətlin qadağasının haram yeməyin qadağasından sonra gəlməsi buna işarə ola bilər ki, qeyri-sağlam iqtisadi sistem məhrumların zalımlar əleyhinə qiyamına, çaxnaşmalara, qətllərə və cəmiyyətin məhvinə səbəb olur.
◘İmam Sadiq (ə) bu ayəni oxuyarkən buyurmuşdur: “Bir şəxs qaytara bilməyəcəyini anladığı halda borc alırsa, batil mal yeyir.”1 İmam Baqir (ə) bu ayə haqqında buyurmuşdur: “Sələm, qumar, əskik satmaq və zülm batilin nümunələrindəndir.”2
◘Həzrət Peyğəmbər (s) cana təhlükəli olduğu halda soyuq su ilə dəstəmaz, qüsl yerinə yetirməyi insanın özünü qətlə yetirməsi saymışdır.3
◘İmam Sadiq (ə) buyurmuşdur: “Əgər bir müsəlman təkbaşına kafir məntəqəsinə daxil olub öldürülərsə, sanki özünü öldürmüşdür.”4
◘Məsum rəhbərləri qətlə yetirmək insanın özünü öldürməsi, cəmiyyəti fəlakətə aparması nümunələrindəndir. İmam Sadiq (ə) uyğun göstərişi açıqlayarkən belə buyurmuşdur: “Yəni öz peyğəmbərinizin Əhli-beytini (ə) öldürməyin.”5
Dostları ilə paylaş: |
