Ali-Muhammedin sirleri indd

Fatimənin (s.ə.) bədduası
Yaşlı səhabə və Səhhakın oğlu içəri girib salam verdilər və dedilər: “Bizdən 
razı ol, Allah da səndən razı olsun”. Fatimə (s.ə.) dedi: “Sizi buna nə məcbur 
etdi?” Dedilər: “Pis əməlimizi etiraf edir və bizi bağışlamağını diləyir, bizə qar-
şı hiss etdiyin nifrəti qəlbindən çıxarmağını istəyirik”. Fatimə (s.ə.) dedi: “Əgər 
doğru deyirsinizsə, sualıma cavab verin. Mənim və sizin bildiyiniz şeyi so-
ruşacağam. Əgər doğru söyləsəniz, niyyətinizin həqiqi olduğunu biləcəyəm”. 
Dedilər: “Hər nə istəyirsən, soruş”. Fatimə (s.ə.) dedi: “Sizə Allahı şahid tutu-
ram! Peyğəmbərin (s) “Fatimə mənim bir parçamdır, onu incidən məni incit-
mişdir” (Və ya “Fatimə mənim bir parçamdır. Ona əziyyət edən mənə əziyyət 
etmişdir”) dediyini eşitmisiniz?” Dedilər: “Bəli, eşitmişik”. Fatimə (s.ə.) 
əllərini səmaya tərəf qaldırıb dedi: “İlahi, bu ikisi mənə əziyyət etdilər. Mən 
bunları sənə və peyğəmbərinə şikayət edirəm. Allaha and olsun, xeyr! Atam 

---

222
Suleym ibn Qeys Hilali
Peyğəmbərlə görüşüb etdiklərinizi ona xəbər verənə qədər sizdən razı olmaya-
cağam. O sizin barənizdə hökm verəcək”.
İbn Abbas deyir: “Bunu eşidən yaşlı səhabə ah-vah çəkib səsini qaldırdı 
və şiddətli narahatlıq keçirdi”. Səhhakın oğlu dedi: “Bir qadının sözünə görə 
narahat olursan, ey Peyğəmbər xəlifəsi?!”
4. Fatimeyi-Zəhranın (s.ə.) vəsiyyəti və şəhadəti
İbn Abbas deyir: “Fatimə (s.ə.) atası Peyğəmbərin (s) vəfatından sonra cəmi 
qırx gecə yaşadı. Xəstəliyi ağırlaşdıqda Əlini (ə) çağırıb dedi: “Ey əmim oğlu! 
Mənim halımı görürsən. Sənə bacım Zeynəbin qızı ilə evlənməyini tövsiyə 
edirəm. Uşaqlarıma qarşı mənim kimi olacaq. Mənim üçün bir tabut hazırla. 
Mələklərin onu mənim üçün vəsf etdiklərini gördüm. Allah düşmənlərindən 
heç biri cənazəmə, dəfnimə və cənazə namazıma şahid olmasınlar”.
İbn Abbas deyir: “Bu Möminlərin əmirinin (ə) sözüdür: “Bəzi şeylər var 
ki, onları tərk edə bilmərəm. Çünki Quran onunla Peyğəmbərin (s) qəlbinə na-
zil edilib: dostum Peyğəmbərin (s) Nakisin, Qasitin və Mariqinlərlə döyüşmək 
barədə məndən aldığı əhd və Fatimənin (s.ə.) Əmamə binti Zeynəblə evlənməyi 
vəsiyyət etməsi”.
İbn Abbas deyir: “Fatimə o gün vəfat etdi. Mədinə şəhərini kişi və qadınla-
rın ağlama səsləri bürüdü. Camaat Peyğəmbərin (s) vəfatında olduğu kimi çaş-
qın vəziyyətdə idilər. Əbu Bəkr və Ömər gəlib Əliyə təsəlli verdilər və dedilər: 
“Ey Əbul-Həsən! Peyğəmbərin qızına namaz qılmaqda bizi qabaqlama”.
Gecə olarkən Əli (ə) Abbası, Fəzli, Miqdadı, Salmanı, Əbu Zərri və Əmmarı 
çağırdı. Abbas önə keçib cənazə namazı qıldı və sonra onu dəfn etdilər.