Ali-Muhammedin sirleri indd

272
Suleym ibn Qeys Hilali
HƏDİS 71
İmamını tanımayan kəs cahiliyyə ölümü ilə ölüb
Şeyx Səduq “Kamalud-din” kitabında deyir: “Atam və Muhəmməd ibn 
Həsəndən, onlar da Səd ibn Abdullah ibn Cəfər Həmiridən, onların hamısı 
Muhəmməd ibn İsadan, Yaqub ibn Yeziddən və İbrahim ibn Haşimdən, onlar da 
Həmmad ibn İsadan, o da Ömər ibn Üzeymədən, o da Aban ibn Əbu Əyyaşdan, 
o da Süleym ibn Qeys Hilalidən nəql edir ki, o Salmandan, Əbu Zərdən və Miq-
daddan Peyğəmbərin (s) bu sözünü eşidib: “Kim imamı olmadığı halda ölsə, 
cahiliyyə ölümü ilə ölüb”.
Bunu Cabirə və ibn Abbasa söylədim, təsdiq edib doğru söylədiklərini 
bildirdilər. Buna şahidik və Peyğəmbərdən (s) eşitmişik. Salman deyir: “Ya 
Peyğəmbər, siz buyurmusunuz: “Kim imamı olmadığı halda ölsə, cahiliyyə 
ölümü ilə ölüb”. Ya Peyğəmbər, bu imam kimdir?”
Peyğəmbər (s) buyurdu: “Ey Salman, mənim vəsilərimdəndir. Ümmətimdən 
kim ölsə, imamını tanımasa, cahiliyyə ölümü ilə ölüb. Əgər onu tanımasa və ya 
onunla düşmənçilik etsə, o şəxs müşrikdir. Əgər tanımasa, lakin düşmənçilik 
etməsə və düşmənlərinə dost olmasa, o şəxs müşrik deyil, cahildir”.

---

Ali-Muhəmmədin sirləri
273
HƏDİS 72
Əmirəl-möminin (ə) Peyğəmbərin (s) göstərişinə əsasən 
günəşlə danışır
Hüseyn ibn Əbdül-vəhhab “Uyunul-mucizat” kitabında deyir: “İbn Əyyaş 
Cövhəri mənə Əbu Talib Abdullah ibn Muhəmməd Ənbaridən, o da Əbu Hü-
seyn Muhəmməd ibn Zeyd Tustəridən, o da Əbu Səminə Muhəmməd ibn Əli 
Seyrəfi dən, o da İbrahim ibn Ömər Yəmanidən, o da Həmmad ibn İsadan (ğariqil 
Cöhfə kimi tanınan), o da Ömər ibn Üzeynədən, o da Aban ibn Əbu Əyyaşdan, 
o da Süleym ibn Qeys Hilalidən Əbu Zərr Cündəb ibn Cənadə Ğəffarinin belə 
dediyini nəql edir: 
Həzrət Muhəmmədin (s) bir gün axşam vaxtı Əliyə (ə) belə dediyini eşit-
dim: “Sabah Bəqi dağına çıx, orada özünə yüksək bir yer seç. Günəş yüksəlməyə 
başladıqda ona salam ver. Allah ona sənə cavab verməyi əmr edib”.
Sabah olduqda Əli (ə), Əbu Bəkr, Ömər, mühacir və ənsardan bir dəstə 
insanla çıxıb Bəqiyə gəldilər. Əli yüksək bir yer seçib dayandı. Günəşin şüaları 
ilə göründükdə Əli (ə) dedi: “Salam olsun sənə, ey Allahın yeni və itaətkar 
məxluqu!”. Gurultulu bir səslə bu cavabı eşitdilər: “Salam olsun sənə! Ey 
Əvvəl, ey Axır, ey Zahir, ey Batin, ey hər şey bilən!”
Əbu Bəkr, Ömər, mühacir və ənsar bu səsi eşitdikdə bayıldılar. Bir neçə saat-
dan sonra özlərinə gəldikdə artıq Əli (ə) həmin yerdən düşmüşdü. Peyğəmbərin 
(s) yanına gəlib dedilər: “Sən deyirdin ki, Əli (ə) bizim kimi bir bəşərdir. Uca 
Yaradan ona xitab edib cavab aldığı kimi, Əli də günəşlə danışdı, o da cavab 
verdi!”.