«Nə demişdim yerinə yetir»
Cənab şeyx Muxtar Ruhani nəql edir:
Bir gün seyyidə və kasıb bir qadın məndən çadır və baş örtüyü istədi. Dedim, indi sənin xahişini yerinə yetirməyə bir şeyim yoxdur. Təsadüfən həmin gün Şeyx Həsənəli İsfəhaninin yanına getməli oldum.
Xudahafizləşib yanından çıxmaq istəyirdim ki, mənə bir az pul uzadıb dedi:
Bu pulu götür həmin seyyidə qadına çadır və baş örtüyü al. Sonra əlavə bir tümən pul, bir kisə də düyünün qəbzini verdi ki, o qadına çatdırım.
Təəccüb məni götürdü ki, şeyx hardan xəbər tutdu ki, belə bir qadın məndən çadır istəmişdi? Xülasə ordan çıxıb yola düzəldim. Yolda fikirləşdim ki, hələlik bu bir tüməni və düyünün qəbzini qadına verməyim, başqa vaxt verərəm, amma birdən qulağıma şeyxin səsi gəldi ki, dedi:
Nə demişdim yerinə yetir, işə dəxalət etmə!2
Dostları ilə paylaş: | 
