Ату-нун тибби профилактика вя

IV. Elmi- tədqiqat işi

2017/2018-cı tədris ilində kafedranın 5 illik planında təsdiq edilən “Azərbaycanda parazitar xəstəliklərin epidemiologiyası və monitorinqi” mövzusunda elmi – tədqiqat işi yerinə yetirilir. Mövzu çərçivəsində 2 elmi-tədqiqat işi üzərində əməkdaşlar fəaliyyət göstərirlər.

1-ci iş. “Azərbaycanda helmintozların epidemiologiyası və profilaktikası”.

Bu iş 2017-ci ildə 2 mərhələ də yerinə yetirilmişdir.

I mərhələ: “Quba şəhərində geohelmintozların epidemiologiyası və profilaktikası”

Quba şəhərində aparılan müayinələr nəticəsində helmintozların yayılmasında məktəb yaşlı uşaqlar, o cümlədən kənd təsərrüfatı ilə məşğul olanların daha mühüm rol oynaması aydınlaşdırılmışdır. İnvazion xəstəliklərin dinamikasının artırılmasında əhalinin sıxlığının artmasının mühüm rol oynaması müəyyən edilmişdir. Epidemioloji nəzarətin təkmilləşdirilməsi yolunda təkliflər planı məsləhət görülmüşdür.

II mərhələ: “Xaçmaz, Şəmkir rayonlarında kontakt helmintozlarının epidemiologiyası və profilaktikası”

Bu mərhələdə himenolepidoza və enterobioza yoluxmalarına məktəbəqədər uşaq müəssisələrində daha çox rast gəlinir. Hər iki rayonda kontakt helmintozlara qarşı mübarizə tədbirlərini təşkil etdikdə invaziya ocaqlarının xüsusiyyətləri nəzərə alınmalıdır və bu istiqamətdə tədbirlər həyata keçirilməlidir.