İmam Sadiqin (ə) həyatının tanınmaz qalması
Burada İmam Sadiqin (ә) hәyatını araşdıranlar üçün әn
tәәssüflü mәqamlardan birinә toxunmaq istәyirәm. O da budur
ki, imamın xüsusәn Bәni-Ümәyyә hakimiyyәtinin sonlarına
tәsadüf edәn ilk imamәt illәri tanınmaz vә qarışıqdır. Yüzlәrlә
tarixi rәvayәtdәn anlaşılan keşmәkeş vә tәlatüm dolu bu hәyat
nә tarixdә, nә dә hәdisşünas vә tәzkirәçilәrin sözlәrindә
nizamlı formada işıqlandırılmış, әksәr hadisәlәrin zamanı vә
xüsusiyyәtlәri yazılmamışdır. Tәdqiqatçı müәyyәn tarixi
qeydlәrә әsaslanaraq dövrün ümumi hadisәlәrini nәzәrә
almalı, şәxs, yaxud hadisәlәr barәdә hәr bir rәvayәti digәr
mәnbәlәrdәn әldә olunan mәlumatlarla müqayisә etmәli,
hadisәnin zaman, mәkan vә xüsusiyyәtlәrini kәşf etmәlidir.
Bәlkә dә xüsusәn imamın tәrәfdarları ilә birgә tәşkilati
fәaliyyәtlәrindәki bu qaranlığın sәbәblәrindәn birini uyğun
işlәrin mahiyyәtindә axtarmaq lazımdır.
1
"Bihar әl-әnvar", c. 47, sәh. 131
206
Tәbii ki, tәşkilati işlәrin gizli qalması üçün mәxfilik
prinsiplәrinә әmәl olunmalıdır. Belә olduqda o zaman da,
ondan sonra da mәxfi qalır vә sәhabәlәrin sirdaşlığı yad
insanların xәbәr tutmasına imkan vermir. Belә bir tәşkilat
qәlәbә çalıb hakimiyyәtә gәlәndә özü mәxfi işlәrinin üstünü
açır. Mәhz buna görә Abbasilәr hәrәkatının çoxlu gizli işlәri,
hәtta başçıların xüsusi fәrmanları vә dәvәt çağında tәşkilat
üzvlәri ilә gizli tәmasları tarixdә qeyd olunmuşdur vә hamının
xәbәri var.
Əgәr Əli (ә) hәrәkatı da qәlәbә çalsaydı, Şiә imamları,
yaxud onların seçdiyi qüvvәlәr hakimiyyәtә gәlsәydilәr,
şübhәsiz, biz bu gün imamların siyasi fәaliyyәtlәrinin, çox
geniş vә gizli tәşkilatlarının bütün sirlәrindәn xәbәrdar
olardıq.
Başqa bir sәbәbi tarixçilәrin vә tarixçiliyin mahiyyәtindә
axtarmaq lazımdır. Mәzlum vә mәğlub bir qrupun rәsmi
tarixdә yalnız adı varsa vә ondan bir xatirә qeyd olunmuşsa,
demәli, qalib vә zalım cinah yalnız bu hәddә yazılmasını
istәmişdir. Rәsmi tarixçilәr müxaliflәri pislәyәn sözlәri qoyub
çox әziyyәtlә müxaliflәrin sözlәrini tapmır vә böyük riskә
gedib qeyd etmirlәr. Onlar әziyyәtsiz-qorxusuz hakim
qüvvәlәrin çoxlu sözlәrini asanlıqla әldә edәrәk yazır, bundan
ötrü mükafat da alırdılar.
İndi bu aydın hәqiqәtә başqa bir reallığın kәnarında nәzәr
salmaq istәyirik. Sonrakı tәdqiqatların әksәrinin qaynağı
sayılan vә İmam Sadiqin (ә) hәyatından 500 il sonraya qәdәr
yazılan bütün mәşhur vә mötәbәr tarixlәr Abbasilәrin
xeyrinәdir. Bilirik ki, Abbasi xilafәti hicrәtin yeddinci әsrinin
ortalarına qәdәr davam etmiş, bütün mәşhur vә qәdim tarixlәr
dә bu qüdrәtli sülalәnin hakimiyyәti dövründә yazılmışdır.
Belә olduqda isә nәticәni tәxmin etmәk olar. Abbasi dövrünün
tarixçisindәn gözlәmәk olmaz ki, İmam Sadiqin (ә), yaxud
başqa bir Şiә imamının hәyatına dair düzgün vә dolğun
informasiya tapıb kitabında qeyd etsin. İmam Sadiqin (ә)
hәyatında bir çox tәhrif vә qaranlıq mәqamların sәbәbi budur.
207
Bizi imamın hәyatının ümumi xәtti ilә tanış edәn yeganә
yol budur: bu qaranlıq mәqamlar arasından o hәzrәtin
hәyatının mühüm qrafiklәrini tapıb, tәfәkkür vә әxlaqının
ümumi meyarları kimi tanıdığımız amillәrin kömәyi ilә
hәyatının әsas xәtlәrini tәsvir edәk, bundan sonra isә ayrı-ayrı
mәsәlәlәri vә zәrif mәqamları açmaq üçün müxtәlif tarixi vә
qeyri-tarixi dәlil vә faktları araşdıraq. (Sadiq rәhbәr, sәh. 65-
68)
|