E-dövlət quruculuğunun konseptual və arxitektur əsasları tədqiq olunmuş, aktual tədqiqat istiqamətləri müəyyən edilmişdir.
İnformasiya cəmiyyətində intellektual mülkiyyət hüquqlarının qorunmasının aktual problemləri kimi plagiatlıq, piratçılıq, virtual vərəsəlik, patentləşdirmə, virtual əmlakın sığortalanması məsələləri araşdırılmışdır. Azərbaycanda intellektual mülkiyyət hüquqlarının qorunmasına dair təkliflər işlənmişdir.
Viki-mühitdə informasiya münaqi-şələrində iştirak edən gizli sosial şəbəkələrin aşkarlanması üçün metod və alqoritm işlənmişdir.
E-dövlət mühitində gizli sosial şəbəkələrin aşkarlanması üçün yanaşma təklif olunmuşdur.
Qeyri-səlis uyğunsuzluq şkalası əsasında əmək bazarında İT-mütəxəssislərə olan tələb və təklifin disbalans dərəcəsinin qiymətləndirilməsi metodu təklif edilmişdir. Disbalans vəziyyətinin qeyri-səlis təsnifatı alqoritmi işlənilmişdir.
Qeyri-səlis situasiya analizi və qeyri-səlis obrazların tanınması əsasında mikrosəviyyədə İT-mütəxəssislərə olan tələb və təklifin idarə olunması metodu təklif olunmuşdur.
İT-əmək bazarında intellektual idarəetmə sisteminin modeli təklif olunmuş və tranzaksiya modeli işlənmişdir.
Zaman faktoru nəzərə alınmaqla qərar qəbul edən şəxsin dəyişən tələblərinə uyğun İT-mütəxəssislərin qiymətləndiril-məsi üçün namizədləri xarakterizə edən kriteriyaların, onları təyin edən faktorların nisbi vaciblik əmsallarının ekspert qiymətləndirilməsini və ziddiyyətin aşkarlanmasını özündə ehtiva edən metod təklif olunmuşdur.
E-dövlətdə insan resurslarının formalaşmasına dair mövcud təcrübə araşdırılmış, e-dövlətin inkişaf indeksinin bir komponenti kimi insan resurslarının indikatorları analiz olunmuşdur. İnsan resurslarının formalaşması məsələləri təsnif olunmuş və həlli istiqamətində mövcud problemlər və Azərbaycandakı vəziyyət şərh edilmişdir.
İnsan resurslarının idarə olunması məsələlərində qərarların qəbul edilməsinin ümumiləşdirilmiş konseptual modeli təklif olunmuş, alternativlərin qiymətləndirilməsi üçün modifikasiya edilmiş TOPSIS metodu təklif edilmişdir.
Beynəlxalq münasibətlər əsasında ölkələrin inteqrasiya dərəcəsini ölçmək üçün metod təklif edilmişdir.
İnformasiya mədəniyyəti kriteriyaları əsasında personalın qiymətləndirilməsi üçün hibrid qeyri-səlis çoxkriteriyalı qərar qəbuletmə modeli təklif edilmişdir. Alternativləri ranqlaşdırmaq üçün qeyri-səlis VİKOR metodunun effektiv modifikasiyası işlənmişdir.
Elektron tullantıların qanunvericilik, texniki və texnoloji, iqtisadi, təşkilati və s. idarə edilməsi üzrə Azərbaycan və Avropa İttifaqındakı vəziyyət müqayisəli şəkildə analiz edilmişdir.