Proqram təminatı yaradan qrupun səmərəliliyinin qiymətləndirilməsi üçün metod təklif olunmuşdur.
Proqram mühəndisliyinin standartları araşdırılmış və Azərbaycanda müvafiq standartların qəbul edilməsi tövsiyə edilmişdir.
Proqram təminatının səmərəliliyinin artırılması və onun idarə edilməsinin optimallaşdırılması üçün TOPSİS metodu təklif edilmişdir.
Elektron tibb
Tibbi sosial media mühitində toplanan informasiya əsasında qərarların qəbul olunması üçün yeni informativ parametrlər və konseptual model işlənilmişdir.
E-tibbi demoqrafik proseslərin intellektual idarə olunması üçün tibbi demoqrafik göstəricilərə təsir edən amillər təhlil edilmiş, e-pasiyentlərin tibbi-demoqrafik portretinin təyin edilməsi üçün yeni informativ parametrlər işlənilmiş və konseptual model təklif edilmişdir.
İstinad edən mənbənin WoS və Scopus bazalarında fərdi və qrup (kvartil) keyfiyyət göstəriciləri nəzərə alan yeni çəkili IF təklif edilmişdir.
Yırtıcı jurnalları və nəşriyyatları xarakterizə edən informativ əlamətlər təsnif olunmuş, internet mühitdə bu jurnalları təyin edən antiyırtıcı sistemin nəzəri-konseptual modeli təklif edilmişdir.
Plagiatlıqla effektli mübarizə aparmaq üçün nəzərdə tutulan milli antiplagiat sisteminin konseptual modeli təklif edilmiş, plagiatliqla mübarizənin hüquqi, ictimai qınaq və maarifləndirmə metodlarının tətbiqinə dair tövsiyələr işlənmişdir.