Çörəyi kim yeməlidir? (65)
Bir gün dəvə, çaqqal, tülkü yol gedirmişlər. Birdən yolun üstündə bir çörək tapdılar. Bilmədilər bu çörəklə nə etsinlər. Üç yerə bölüb yesələr, heç biri doymayacaq. Tülkü dedi:
– Qoy çörəyi kim tez yaranıbsa o yesin!
Dəvəylə çaqqal tülkünün bu sözlərinə “əhsən” deyib razılaşdılar.
Tülkü dedi:
– Mən yarananda hər yan su idi.
Çaqqal dedi:
– Tülkü qardaş, sən yaxşısan. Mən yarananda heç su da yox idi.
Dəvə bir az fikirləşib dedi:
– Mən heç bilməzdim siz belə ahıl qocasınız. Mən sizə baxanda uşağam. Çörək də su kimi bir şeydir, birinci kiçiyindir. Odur ki, qoy çörəyi mən yeyim.
Dəvə bunu deyib tez çörəyi götürüb yeməyə başladı.
Dostları ilə paylaş: |