70
müstəqil yiyələnmə vərdişlərinin formalaşmasında mühüm rol oynayır, onlara
müstəqil şəkildə öz fəaliyyətini qurmağa, habelə öz vaxtını və iş qrafikini
planlaşdırmağa kömək edir. “Təsviri incəsənət” fənninin tədrisində bu üsul
şagirdlərin bir-birilə, eləcə də məktəbdənkənarda müsabiqə və sərgilər üçün,
müxtəlif adamlarla, yaradıcı şəxslərlə qarşılıqlı əlaqə qurmağa şərait yaradır,
problemin hər hansı bir aspektini daha dərindən anlamağa imkan verir, müxtəlif
resurslarda və əlavə ədəbiyyatdan istifadə etməyə istiqamətləndirir.
Layihələr hazırlayarkən müəllim mövzu və ya problemi müəyyən edir və
sinfə bunlardan birini seçmək imkanı verir.
Problem konkret olmalıdır. Müəllim və şagirdlər birlikdə layihə üzərində
işin başlama və başa çatma müddətini, istifadə olunacaq resursları (ədəbiyyatlar,
internet ünvanlar, digər mənbələr, təsviri vasitələri və s.) bunları əldə etmək
yollarını, iş formalarını (fərdi yoxsa, qrup şəklində) müəyyən edirlər.
İş prosesində müəllim suallara cavab verə və ya yol göstərə bilər. İşin
icrasına isə şagirdlər özü cavabdeh olurlar.
Tədqiqatın nəticəsi hesabat, maket, model, illüstrasiya, fotoşəkillər
cədvəllər, qrafiklər, sxemlər , eskizlər və s. formasında ifadə oluna bilər.
Dostları ilə paylaş: 
