Azərbaycan Respublikası Təhsil Nazirliyi İxtisasın adı: Heyvandarlıq mütəxəssisi

2.5.2 Ammonium duzları

Ammonium duzlarından:

• 
  Ammonium bi karbonat tərkibində 17-20% azot olan ağ kristallik toz şəklindədir. Qaynar suda yaxşı həll olur. Heyvandarlıqda qışlama dövründə istifadə olunur, çünki isti havalarda tez parçalanır,
  
• 
  Ammonium sulfat tərkibində 21% azot və 26% kükürd olan, suda yaxşı həll olan ağ kristallik maddədir. Silos hazırlanmasında istifadə olunur. Tərkibində 500-600 qram karbomid və 1 kq ammonium sulfat siloslaşdırılan yaşıl kütləyə əlavə edilir (0,75-1% hesabilə).
  

2.5.3 Karbomidlə zənginləşmiş yemlər

Yemlər karbomidlə aşağıdakı qaydada zənginləşdirilir:

• 
  üyüdülmüş qüvvəli yemlərin tərkibinə İBM üçün 2,5-3%, XBH üçün isə 3-4% karbomid qatışdırılır,
  
• 
  yemləmədən öncə silosa 1% karbomid qatışdırılır (1-2 saat yemləmədən qabaq 1 kq karbomidi 2-3 litr suda həll olunmaqla silosa əlavə edilir)
  

2.6. Mineral və vitamin əlavələri

Mineral və vitamin əlavələrinin aşağıdakı növləri mövcuddur:

Mineral əlavələri:	Vitamin əlavələri:
xörək duzu dəmir sulfat (Fe2(SO4)3 mis sulfat (CuSO4)	karotin vitamin A vitamin D vitamin E vitamin B2 vitamin B3 vitamin B5 vitamin B12