Azərbaycan respublikasi döVLƏT ŞƏHƏrsalma və arxitektura komiTƏSİNİn kollegiyasi

Qeyd:

1. Cədvəldə layihə-smeta sənədlərinin hissələrinin qiymətdən orta bölgüsü nəzərdə tutulmuşdur, lazım gəldikdə layihə təşkilatının rəhbərliyi tərəfindən ümumi dəyər çərçivəsində bölgü aparıla bilər.

2. Nəzarət ölçmə cihazları və avtomatikaya layihənin yalnız bu hissələrin işləndiyi hissəsində baxılır.

3. 8-saylı cədvəlin 7-ci sütununda (qeyd 1, 2 və 3) həmçinin oksigen, sıxılmış hava, azot və s. mərkəzləşdirilmiş təchizatı nəzərə alınmışdır.

 

 

 

 

“Təsdiq edilmişdir” Azərbaycan Respublikası Dövlət Şəhərsalma və Arxitektura Komitəsinin Kollegiyası Qərar № 03 12 iyun 2012-ci il Sədr ___________ A.Ələsgərov

 

 

Tikinti üçün layihə işlərinə qiymətlər toplusu -

«Rayon planlaşdırılması. Yaşayış məskənlərinin planlaşdırılması  və tikintisi»

 

Qiymətlərin tətbiq edilməsi üzrə göstərişlər

 

1. Bu Topluda verilən qiymətlər, qüvvədə olan normativ sənədlərə uyğun olaraq ərazinin təşkilinin planlaşdırılması, şəhər, qəsəbə və kənd yaşayış məskənlərində, eləcə də onların ayrı-ayrı hissələrinin planlaşdırma və tikintisi üzrə şəhərsalma sənədlərinin layihə növlərinin işlənməsinə şamil edilir.

2. Bu Topludan istifadə edərkən, həmçinin «Ümumi Göstərişlər»i rəhbər tutmaq lazımdır.

3. Paytaxt şəhər və onu əhatə edən meşə-park qoruyucu zolağı üçün şəhərsalma sənədlərinin layihəsi hazırlanarkən topludakı qiymətlərə 1,2 əmsalı, əhalisi 1 mln. nəfər və artıq olan şəhərlər üçün isə qiymətlərə 1,1 əmsalı tətbiq edilir.

4. Bu bölmədə verilmiş kompleks qiymətlərdə aşağıdakı xərclər nəzərə alınmamışdır:

- mühəndis-geodeziya axtarış işlərinin materialları üzrə topoqrafik planın hazırlanması;

- bina və qurğular söküldükdə materialların saxlanılmasını və ya şəxsi mülklərin sökülməsinə görə mülkiyyətçilərə pul vəsaitinin ödənilməsini nəzərə alan smetanın hazırlanması;

- bu bölmənin cədvəllərində verilən cizgi, panoram, perspektiv, açılış, tikinti və abadlaşdırma fraqmentlərinin dublikatlarının (surətlərinin) hazırlanması dəyəri;

- topoqrafik xəritələrin əldə edilməsi.

5. Bu bölmədə verilən qiymətlərə aşağıdakı işlərin dəyəri də əlavə edilir:

- sifarişçinin öhdəsinə düşən, lakin onun tərəfindən təmin edilməyən hallarda ilkin məlumatların toplanılması və onların təqdim edilməsi;

 - sifarişçinin tapşırığına əsasən qüvvədə olan normativ sənədlərdə nəzərdə tutulandan əlavə işlərin yerinə yetirilməsi;

 - şəhərsalma sənədlərinin hesabatını elektron hesablama maşınında aparmaq üçün  proqram təminatından istifadə etməklə yeni metodikanın tətbiq edilməsi;

- yeni  və mövcud  olanların bazasında inkişaf etməkdə olan şəhər, qəsəbə və kənd yaşayış məskənlərinin yerləşdirilməsi üçün meydançaların seçilməsində iştirakın dəyəri, yaşayış məskəninin müvafiq baş planının işlənmə dəyərinə aşağıdakı əmsalları tətbiq etməklə hesablanır:

- əhalisinin sayı 50 min nəfərə qədər olan yaşayış məskəni üçün – 0,1;

- əhalisinin sayı 50 min nəfərdən artıq olan yaşayış məskəni üçün – 0,5.

Yuxarıda adı çəkilən işlərin dəyəri, sahənin seçilməsi istisna olmaqla, analoq üzrə, belə analoq olmadıqda isə sifarişçinin razılığı ilə əmək sərfinə görə təyin edilir.