6. AzərbaycanRespublikası Dövlət Şəhərsalma və Arxitektura Komitəsinin (AR DŞAK) təyinatı ilə şəhər (qəsəbə) layihələndirilməsi üzrə baş layihəçi funksiyasını icra edən layihə təşkilatlarının xərcləri, layihə-planlaşdırma və layihə-smeta sənədlərinin işlənmə qiymətlərinin 3%-i həcmində müəyyən edilir və əlavə olaraq ödənilir.
Baş layihəçi olmayan layihə təşkilatlarının ixtisaslaşmış layihə təşkilatlarını cəlb etməklə əlaqədar xərcləri, subpodrat təşkilata tapşırılmış işlərin dəyərinin 2% -i həcmində təyin edilir və əlavə olaraq ödənilir.
7. Şəhərsalma sənədləri layihəsinin işlənməsi dəyəri, işçi sənədlərin işlənməsi dəyərinin təyini üçün müəyyən edilmiş «Ümumi Göstərişlər»ə müvafiq olaraq analoji qaydada təyin edilir.
8. Tarixi-memarlıq istinad planlarının, mədəniyyət və tarixi abidələri mühafizə zonasının layihəsinin tərtib edilməsi üzrə işlərin dəyəri AzərbaycanRespublikasının Mədəniyyət və Turizm Nazirliyi tərəfindən layihə-planlaşdırma və layihə-smeta sənədlərinin işlənməsi üçün təsdiq edilmiş qiymətlər əsasında müəyyən edilir.
