Kraniosinostoz. Kəllə tikişlərinin vaxtından tez bitişməsi kraniosinostoz adlanır. Kranial tikiş və tikişlərin vaxtından əvvəl bağlanması bir tərəfdən kəllədə forma pozğunluğuna səbəb olur, digər tərəfdən, altdakı beyin toxumasının normal inkişafını dolayı yolla pozur.
Skafosefaliya - sagittal tikişlərin sinostozundan sonra inkişaf edir. Parietal nahiyədə kəllənin inkişafı dayandığından, baş fronto-oksipital istiqamətdə inkişaf edir.
Braxiosefaliya - tac tikişlərin sinostozudur. Kəllə ön-arxa istiqamətdə inkişaf etmir, yanlara doğru genişlənir.
Plagiosefaliya - tac tikişi birtərəfli olaraq inkişaf etmədikdə əmələ gəlir. Müalicəsində III tip Jig-Saui əməliyyatı aparılır. Bu əməliyyatda plagiosefaliya alının və yuxarı çənənin önə çəkilməsi, kranial qübbənin alçaldılması ilə bərpa edilir.
Oksisefaliya - Kəllə tikişləri müxtəlif kombinasiyalarda sinostoza uğrayır. Kəllə zirvəyə doğru genişlənir və qübbə formasında bir kəllə strukturu meydana çıxır. Hipertelorizm (qoşa orqanlar arasındakı məsafənin artması), koanal atreziya, ekzoftalmiya bu patologiyada birlikdə müşahidə olunur. Müalicəsində II tip Jig-Saui əməliyyatı ilə alının önə çəkilməsi və kranial qübbənin alçaldılması aparılır.
Triqonosefaliya - Metopik tikişlərin sinostozudur. Metopik tikişlər alın sümükləri arasındadır. Bağlanması nəticəsində alının yanlara doğru inkişafını pozur. Yuxarıdan baxdıqda üçbucaq öndən baxdıqda önə doğru iti bir alın inkişafını görürük.
