Baholash ishi va investitsiyalar

Referatning bajarilishi

Talabalar 2-kursda “Mulk, qiymat va narxning nazariy asoslari” fanidan 3-4 savoldan iborat reja asosida referat yozib himoya qiladilar. Talabalar referat rejasini tuzishi talab etiladi va rejada ko’zda tutilgan barcha savollar o’z izohini topishi kerak. Talaba referatga tegishli materiallarni to’plashi va ularni nazariy hamda amaliy jihatdan tahlil qilishi talab etiladi.

Referatni bajarishda zaruriy manbalar quyidagilar bo’lishi lozim:

• 
  referatning barcha savollarini yoritishda foydalanilgan iqtisodiy adabiyotlar;
  
• 
  mavzuga oid me’yoriy hujjatlar va maxsus adabiyotlar;
  
• 
  baholovchi tashkilotlar tomonidan amalga oshirilgan baholash faoliyati to’g’risidagi hisobotlar;
  
• 
  e’lon qilingan statistik ma’lumotlar;
  
• 
  mavzu bo’yicha ilmiy-tadqiqot institutlarining materiallari;
  
• 
  gazeta, ilmiy jurnallar va boshqa matbuot nashrlari.
  

Talaba referat muallifi bo’lib, yozilgan ishning to’g’riligiga va uning topshiriqqa muvofiqligiga, bu mustaqil ishida ko’chirmachilik holatining yo’qligiga javob beradi.


6. Referatning tarkibi va mazmunini yoritish qoidalari

“Baholash ishi va investitsiyalar” kafedrasi “Mulk, qiymat va narxning nazariy asoslari” fanidan talabalar tomonidan tayyorlanadigan referatga qo’yiladigan majburiy talablarni belgilaydi va bu talablarni talabalar e’tiboriga yetkazadi. Referatni tayyorlash jarayonida savollar bo’yicha ayrim o’zgarishlar kiritilishi mumkin. Referat reja, kirish, asosiy qism (ko’riladigan masalalar bo’yicha 3 yoki 4 o’zaro bog’liq savollardan tashkil topadi) xulosa, foydalanilgan adabiyotlar ro’yxatidan iborat bo’ladi.
Referatning mazmuniga ko’ra savollar bir-biridan farq qilishi va bir-birini mantiqiy bog’lashi talab etiladi. Referatni umumiy hajmi qo’lyozmada 3000 so’zdan oshmasligi tavsiya etiladi.
Har bir savol o’rganilayotgan muammoning yechimini ochib beruvchi asosiy natijalardan iborat xulosalar bilan yakunlash tavsiya etiladi.