Baholash ishi va investitsiyalar

Boshqaruv subyektlari - ko'chmas mulk munosabatlarining barcha ishtirokchilari bo'lib, ularga: mulkdorlar, foydalanuvchilar, ijarachilar, investorlar, rieltorlar, vakolatli davlat organlari va infratuzilma tashkilotlari kiradi.
Ko'chmas mulk obyektlarini boshqarish tashqi va ichki bo'lishi mumkin.
Ichki boshqaruv - ko'chmas mulk bozori ishtirokchisi bo'lgan har bir tashkilot faoliyatini uning me'yoriy hujjatlari (ustavi, qoidalari, qonunlari, qo'llanmalari) bilan tartibga solishdir.
Tashqi boshqaruv - davlat va uning vakolatli organlari, hamda halqaro kelishuvlar tomonidan ko'chmas mulk bozori ishtirokchisi bo'lgan tashkilotlar harakatlarining me'yor va qoidalarini belgilanishidir.
Ko'chmas mulk obyektlarini boshqarishni amalga oshiruvchi subyektlar tomonidan boshqarishning to'rtta turi ajratilgan:

• 
  bajariladigan vazifalarga muvofiq ravishda turli xil davlat organlari va tashkilotlari tomonidan respublika, viloyat va munitsipal darajalarda ko'chmas mulk bozorining davlat tomonidan tartibga solinishi;
  
• 
  professional ishtirokchilar va ularning birlashmalari - rieltorlar assotsiatsiyasi tomonidan ko'chmas mulk bozorining tartibga solinishi;
  
• 
  jamoat ta'siri - mikrorayonlar aholisining fikrlari va u yoki bu ko'chmas mulk ob‘yektlari bilan operatsiyalarga nisbatan jamiyat keng qatlamining reaktsiyasi (misol uchun, davlat mulkini kuponli hususiylashtirish jarayonining hamma tomonidan rad etilishi), jamoat ta'siri ko'p hollarda me'yoriy hujjatlar, qonunlar va h.k.lar qabul qilinishiga asos bo'ladi.
  
• 
  aniq ko'chmas mulk oby'ektini boshqarish.
  

Ko'chmas mulk obyektlarini boshqarish jarayonida quyidagi vazifalar amalga oshiriladi:
prognozlash, maqsadni belgilash va ularga erishish strategiyasini tanlash;

• 
  rejalashtirish va loyihalash;
  
• 
  ro'yhatdan o'tkazish, baholash va hisobga olish;
  
• 
  ekspluatatsiya va soliqqa tortish;
  
• 
  nazorat va tasarruf etish, rejani to‘g’rilash.