Hakimlərdən biri 6 metrlik nöqtə ilə eyni xətdə və ondan təxminən 5 m məsafədə mövqe tutur və topun düzgün yerləşdirilməsinə nəzarət edir, həmçinin zərbəni vuracaq oyunçunu dəqiqləşdirir və zərbə yerinə yetirilərkən oyunçuların yaxınlaşmasına nəzarət edir. O, bütün oyunçuların düzgün yerləşdiyinə əmin olduqdan və zərurət yaranarsa, digər hakimin kömək etməsindən sonra zərbənin vurulması üçün işarə verir. Digər hakim qapı xətti ilə cərimə meydanının kəsişdiyi yerdə mövqe tutmalıdır. Əgər topa zərbəyə qədər qapıçı qapı xəttindən irəli hərəkət edərsə və qol vurulmazsa, hakim 6 metrlik cərimə zərbəsinin təkrar edilməsinə işarə vermək üçün fit səsləndirir.
