لَقَدْ خَلَقْنَا الْانسَانَ فىِ أَحْسَنِ تَقْوِيم
“Həqiqətən, biz insanı ən gözəl surətdə yaratdıq.”
Şair belə deyir:
Qadir Allah səni yaradan zaman,
Özünə “afərin” söyləmiş inan.
Bəşərin ağıl və düşüncə qüvvəsinin cəmləşdiyi alın nahiyəsi insan üzünün ən fəzilətli hissəsi sayılır. Alını torpağa qoymaq insanın son dərəcə acizliyini göstərir. Buna əsasən də səcdə elə bir kəs üçün olmalıdır ki, Onun əzəməti, ucalığı, böyüklüyü və rəhməti hər yeri bürüsün. Bu da yalnız Allah-Təalaya məxsusdur. Mələklərin Adəmə (əleyhissalam) səcdə etməsinə gəldikdə isə həmin səcdə Adəm (əleyhissalam) yox, Allah üçün və Allahın əmrinə əsasən olmuşdur. Sadəcə Adəm (əleyhissalam) qiblə2 rolunu oynamışdır. Yəqub (əleyhissalam) və oğlanlarının Yusif peyğəmbərə (əleyhissalam) səcdə etmələrinə gəldikdə isə bu səcdə şükür səcdəsi ünvanında idi. Yəni Allah-Təala bu neməti (Yusifi (əleyhissalam) ) yenidən onlara bağışladığı üçün Allaha şükür səcdəsi etdilər.3 Səcdədə bəndə öz faniliyini izhar edir. “Taha” surəsinin 55-ci ayəsində buyururlur:
Dostları ilə paylaş: |
