Buxoro davlat universiteti

Mavzuning dolzarbligi. Frazeologizmlarning turli tillar doirasida qiyosiy o’rganish, ularning til va nutq bosqichlaridagi umumiylik va xususiylik dialektikasini yoritish, alohida olingan sohalarda frazeologik birliklar, ularning semantik-grammatik va nutqning vazifaviy uslublarida uslubiy xususiyatlarini ochib berish, ayniqsa, kasbga oid frazeologik birliklarning semantik, grammatik va emotsional – ekspressiv xususiyatlarini belgilash mazkur magistrlik dissertatsiyasining dolzarbligini belgilaydi.

Tadqiqotning maqsadi va vazifalari. Ingliz va o’zbek tillarida kasbga doir frazeologik birliklarning leksik-semantik, grammatik xususiyatlarini ochib berish, ularning emotsional-ekspressiv xususiyatlarini belgilash dissertatsiyaning maqsadi bo’lib hisoblanadi. Ushbu maqsadni amalga oshirish uchun quyidagi vazifalar belgilandi:

• 
  frazeologik birliklarning jahon tilshunosligida o’rganilishini ko’rib chiqish, shu asosda ingliz va o’zbek tillari frazeologiyasining taraqqiyotiga munosabat bildirish;
  

• 
  frazeologik birliklarning ma’nosini, uning funksional uslubiy xususiyatlarini ochib berish;
  
• 
  frazeologik birliklarning uslubiy tasnifini belgilash;
  
• 
  kasbga oid frazeologik birliklarning leksik-semantik va grammatik xususiyatlarini ochib berish;
  
• 
  kasbga oid frazeologik birliklarning emotsional-ekspressiv xususiyatlarini ko’rsatish;
  
• 
  kasbga oid frazeologik birliklarning ingliz va o’zbek tillarida qiyosiy tahlil qilish.