ONOR. ALFRED SANT: Il-video impoġġi fuq il-Mejda tal-Kamra kont akkwistajtu jien minn sorsi privati u dan il-video kien aċċessibbli wkoll għal dik il-parti tal-media li qed jirriferi għaliha l-Onor.Interpellant.
MADAM SPEAKER: L-Onor. Austin Gatt, mistoqsija supplimentari.
ONOR. AUSTIN GATT: Jista' l-Prim Ministru jikkonferma li dak il-video kien ittieħed ftit jiem - xi tlieta jew erba' - wara l-inċidenti gravi li kienu seħħew fiż-Żejtun meta kien hemm tieġ ta' individwu
fejn il-Prim Ministru ta' dak iż-żmien, l-Onor. Eddie Fenech Adami, kif ukoll il-Viċi Prim Ministru, l-Onor. Guido de Marco, kienu t-tnejn xhieda u f'liema okkażżjoni kienu nqalgħu inċidenti gravi ħafna, fosthom li kienu sparaw kemm fuq il-Prim Ministru jew fuq in-nies li kienu hemm u li pulizija kien ġie ferut bil-bullets u spiċċa b'permanent disability... (Interruzzjonijiet)
MADAM SPEAKER:Ejja għall-mistoqsija Onor. Gatt, jekk jogħġbok
