THE DEPUTY CHAIRMAN: Onor. Cassar jekk jogħġbok.
ONOR. EDWIN GRECH: Mela ħalli ngħidlek x'kienet ir-raġuni. Din il-persuna ġiet impjegata irregolarment. (Interruzzjonijiet) La semmewha fil-qorti allura ma nsemmihiex hawnhekk! Ma nsemmihiex? Mela ma nsemmihiex! (Interruzzjonijiet) Kienet unfair għal min applika għal dan il-post għax fil-każ tat-tmien applikanti l-oħra dawn damu tliet xhur jistennew biex isir l-interview ħalli jingħażel wieħed minnhom biex inbagħad meta daħlet l-applikazzjoni ta' din il-persuna, dik inhar stess, jiġifieri tliet xhur wara l-closing date ... (Interruzzjonijiet) Wara l-closing date toħroġ l-ittra kemm lill-applikanti kif ukoll lil dak li dik inhar stess kien għadu kemm applika, u min minnhom intgħażel? Dak li tpoġġa fuq il-lista ġurnata qabel biss! (Onor. Membri: Hear, hear)
