2481. L-ONOR. BERTU PACE staqsa lill-Prim Ministru: Jaħseb il-Prim Ministru li bi tweġiba għad-diskors tal-Kap ta' l-Oppożizzjoni f'din il-Kamra nhar it-Tnejn 20 ta' Jannar, 1997 dwar il-Budget, wasal il-mument li l-Gvern jippubblika l-Memorandum ta' l-Ex Ministru John Dalli ta' Ġunju li għadda lil sħabu tal-Kabinett Nazzjonalista dwar il-qagħda finanzjarja ħażina tal-Gvern?
ONOR. ALFRED SANT: Paragrafu 9 tal-Kodiċi ta' Etika għall-Ministri u Segretarji Parlamentari jgħid, inter alia, li ebda Ministru m'għandu jiżvela l-proċess ta' dibattitu intern li jkun sar fil-Kabinett biex tittieħed deċiżjoni.
Dokumenti tal-Kabinett huma wkoll dokumenti eżentati skond il-liġi.
