8.8. Veksel dövriyyəsində iştirak edən şəxslərin hüquq və vəzifələri
Axırıncı indossamentdən sonra surəti çıxarılana kimi əsl
sənəddə «buradan indossolamaq» «başlama ancaq surətlər üçün
etibarlıdır» və ya digər oxşar qeydlər qoyula bilər. Bundan sonra
əsildə qoyulmuş indossament etibarlı hesab edilmir.
Veksel dövriyyəsi üçün iddia müddəti mühüm əhəmiyyət
kəsb edir. Köçürmə vekseldən akseptə qarşı yaranan iddia tələbi
ödəniş günündən üç il müddət keçməklə ödəmə başa çatır. Veksel
saxlayanın indossanta və veksel verənə qarşı iddia tələbi müəyyən
olunmuş müddətdə edilmiş protest günündən və ya gecikməsiz
dövriyyə barədə qeyd mövcud olduğu halda ödəniş günündən
sonra bir il başa çatması ilə ödənilir. İndossantın bir-birinə və
veksel verənə qarşı iddia tələbi indossant vekseli ödədiyi və ya
ona iddia irəli sürüldüyü gündən hesablamaqla altı ay başa
çatdıqda ödənilir.
Köçürmə veksel üzrə ödəniş müddəti qeyri-iş gününə
düşərsə, onda ancaq ilk növbəti iş günü tələb oluna bilər. Əgər
istənilən əməliyyat müəyyən müddət ərzində edilməlidirsə və
sonuncu gün qeyri-iş günü müəyyən edilmişdirsə, onda belə müddət
yaxın, bitən iş gününə kimi uzadılır. Bitən müddətin gününə düşən
qeyri-iş günü müddətdən hesablanır.
