Menelay baş kahin olur 23 Aradan üç il keçdikdən sonra Yason
əvvəldə adı çəkilən Şimonun qardaşı
Menelayı padşahın yanına göndərdi ki,
Menelay padşaha pul çatdırıb vacib işlər
barədə hesabat versin. 24 Amma padşaha
təqdim olunan Menelay onun izzətini
tərifləyərək baş kahinliyi özü üçün təmin
etdi. Məbləği artırıb Yasondan üç yüz
talant artıq gümüş boyun oldu. 25 O,
padşahdan fərman alaraq geri döndü. Özü
ilə zalim bir hökmdarın qəzəbi və vəhşi bir
heyvanın qeyzindən başqa, baş kahinliyə
yaraşan heç bir şey gətirmədi. 26 Beləcə,
öz qardaşını aldadıb yerinə keçən Yasonun
özü də başqa bir adam tərəfindən aldadıldı
və Ammonluların ölkəsinə qaçmağa
məcbur oldu. 27 Menelay isə öz
vəzifəsində qalsa da, söz verdiyi pulları
padşaha müntəzəm olaraq ödəyə bilmədi.
28 Qalanın rəisi Sostrat isə ödənişin
verilməsini tələb edirdi, çünki onun
vəzifəsi gəlir yığmaq idi; bu səbəbdən
padşah onların hər ikisini çağırtdırdı.
29 Menelay baş kahinlik vəzifəsini qardaşı
Lisimaxın öhdəsinə buraxdı, Sostrat isə
Kiprlilərin başçısı Krateti öz yerinə qoydu.
