3 Əleyhdarlarına müqavimət göstərdilər,
Düşmənlərindən müdafiə olundular.
4 Susadıqları zaman Səni – Allahı
çağırdılar
Və möhkəm qayadan onlara su verildi,
Sərt daşdan susuzluqları söndürüldü.
5 Beləcə, düşmənlərini cəzalandıran şey
Çətinliklərində onlar üçün yararlı oldu.
6-7 Daim axan çayın fəvvarəsi əvəzinə
Sən gözlənilmədən onlara bol su verdin;
O çay Misirlilərin uşaq qətliamı hökmünə
qarşı
Sənin sərt münasibətinə görə qanla
kirlənmişdi.
8 Onda susuzluq vasitəsilə
Sən əleyhdarlarını necə cəzalandırdığını
İsraillilərə göstərdin.
9 Çünki mərhəmətlə tərbiyə olunmaqla
sınağa çəkildikləri vaxt
Qəzəblə işgəncə verilən günahkarların
Necə əziyyət çəkdiklərini anladılar.
10 Çünki Sən İsrailliləri ata kimi
Dərs verərək sınağa çəkdin,
Amma Misirliləri padşah kimi sərtliklə
Sorğu edərək məhkum etdin.
11 Orada olanlar və olmayanlar eyni cür
zərər gördülər.
12 Belə ki, onlara ikiqat dərd üz verdi,
Keçmişi xatırlayanda iniltiləri artırdı.
13 Misirlilərin cəzalanmasından
İsraillilərin xeyir qazandığını eşidəndə
Anladılar ki, bunu edən Rəbdir.
14 Uzun müddət əvvəl Rəbdən imtina
edərək Onu tərk etdilər,
Sonra da lağ edib üz döndərdilər.
Hadisələrin sonunda isə Ona heyrət etdilər,
Çünki onların susuzluğunun axırı
Ədalətli adamların susuzluğunun axırından
fərqli oldu.
Dostları ilə paylaş: 
