Yerusəlimdən çıxıb Amafit vilayətində
onları qarşıladı və onlara öz ölkəsinə daxil
olmağa imkan vermədi. 26 Yonatan
düşmənlərin ordugahına casuslar göndərdi.
Casuslar geri dönüb məlumat verdilər ki,
düşmənlər bu gecə onlara hücum etməyə
hazırlaşırlar. 27 Buna görə də günəş
batanda Yonatan onunla olanlara bütün
gecəni ayıq olmağı, silahlı qalmağı və
döyüşə hazır durmağı əmr etdi, ordugahın
ətrafına öncül keşikçilər qoydu.
28 Yonatanın öz adamları ilə birgə döyüşə
hazır olduğunu eşidən düşmənlər
qorxdular, ürəklərinə lərzə düşdü və öz
ordugahlarını odla işıqlandıraraq getdilər.
29 Yonatan və onunla birgə olanlarsa
səhərəcən bunu bilmədilər, çünki yanan
işığı görürdülər. 30 Yonatan onların
arxasınca cumdu, amma onlara çata
bilmədi, çünki onlar Elevter çayını
keçmişdilər. 31 Onda Yonatan dönüb
Zabadeylər adlanan Ərəblərin üstünə getdi.
Onlara zərbə vurdu və onlardan qənimət
götürdü. 32 Sonra yola düşüb Dəməşqə
gəldi. Bütün o ölkəni dolaşdı. 33 Şimon da
çıxıb Aşkelona və ətrafdakı qalalara qədər
keçdi. Sonra dönüb Yafoya hücum etdi və
oranı ələ keçirdi. 34 Çünki eşitmişdi ki,
qalanı Dimitrinin tərəfdarlarına təslim
etmək istəyirlər. Şimon oranı qorumaq
üçün orada keşikçi dəstəsi qoydu.
Dostları ilə paylaş: 
