Mömünə xatun türbəsi. Türbənin adı antroponim mənşəllidir. 1186-cı ildə Naxçıvanda Məhəmməd Cahan Pəhləvanın anası Mömünə xatunun şərəfinə Memar Əcəmi tərəfindən inşa edilmişdir.
Məscid adlar. Azəbaycan ərəblərin istilasından sonra islam dinini qəbul etdi. Bu da bütün bölgələrdə məscidlərin tikilməsinə gətirib çıxartdı. Məscidlər əsasən kimlərinsə şərəfinə tikilir və həmin şəxslərin şərəfinə adlandırılırdı. Məsələn, “Aşağı Gövhər ağa” məscidi, “Yuxarı Gövhər ağa” məscidi, “Mamay”məscidi, “Hacı Yusif” məscidi (Şuşa),“Sultan Mahmud” məscidi, “Hacı Sani” məscidi (Naxçıvan), “Heydər məscidi” və s. bundan başqa rənglə bağlı yaranan məscid adları –“Göy” məscid (Təbriz, Gəncə), etnonim mənşəlli “Cülfalar” məscidi (Şuşa), “Dəvəli” məscidi, “Asnı”məscidi (Naxçıvan), xrononimimdən yaranan məscid adı –“Cümə” məscidi, tikildiyi yerin adını özündə daşıyan yer adları ”Çölqala”məscidi və s.
