10.10. Dondurmanın funksional xassələri
Dondurma süd, qaymaq, meyvə-giləmeyvə məhsulları, şəkər, müx-təlif dad və ətir verən maddələr və sabitləşdiricilərin qarışdırılıb çalınması ilə hazırlanır. 50-dən çox çeşiddə dondurma istehsal edilir. Əsas don-durma növlərinə südlü, qaymaqlı, plombir, meyvə-giləmeyvəli və aromatlı dondurmalar aiddir.
Dondurma yüksək qidalılıq dəyərinə malik, orqanizmdə asan mə-nimsənilən qida məhsuludur. Süd əsasında hazırlandığından tərkibində süd yağı (çeşidindən asılı olaraq 2,8%-dən 15%-ə qədər), zülallar, şəkər (14%-dən 16%-ə qədər, bəzi çeşidində 28%-ə qədər), mineral maddələr, vitaminlər (A, D, E, B qrupu, P, C və s.) vardır.
Dondurmanın tərkibində süd yağı çox xırda kürəciklər formasında olur. Dondurmanın zülalı kazein, albumin və qlobulindən, karbohidratları isə süd və çuğundur şəkərindən ibarətdir. Dondurmanın müxtəlif çeşidində 41-57 mq% Na, 151-168 mq% K, 122-140 mq% Ca, 17-26 mq% Mg, 96-100 mq% P, 0,1-0,2 mq% Fe vardır. Vitaminlərdən mq%-lə: A – 0,02-0,07; -karotin – 0,01-0,06; B1 – 0,03-0,07; B2 – 0,16-0,21;
– 0,05-0,98; C – 0,4-0,6 vardır. Əlavələrdən asılı olaraq dondurmanın tərkibində digər qidalı və bioloji fəal maddələr vardır.
Ən çox istehsal edilən dondurmanın çeşidi qruplar üzrə aşa-ğıdakılardır.
Dostları ilə paylaş: |
