12.2. Təzə, soyudulmuş və dondurulmuş balıqların
funksional xassələri
Diri (təzə) balıq yüksəkkeyfiyyətli olub, ondan hazırlanan məh-sullar dadlı, ətirli və yüksək qidalıdır. Diri balıq tədarükündə şirin su, keçici və yarımkeçirici balıqlardan – nərə, uzunburun, çəki, xəşəm, çapaq, naqqa, dabanbalığı, nalim, forel, suf və başqa balıqlardan istifadə edilir. Azərbaycanda ən çox çəki balığı diri halda satılır.
Diri balıqların yetişdirilməsi mövsümi xarakter daşıdığı üçün onları satış bazalarında və mağazalarda saxlamaq lazım gəlir. Bu məq-sədlə tutumu 100-500 ton olan sallardan istifadə edilir. Mağazalarda isə diri balığı iri akvariumlarda saxlayırlar.
148
İlin isti vaxtlarında diri balığı mağazada 24 saat, soyuq vaxtlarda 48 saat saxlamaq olar. Diri balıq əmtəə sortuna ayrılmır. Satışa verilən diri balığın üzgəcləri elastiki hərəkət edən, qəlsəmə qapağı ahəngdar qalxan, dərisi və pulcuqları təbii rəngdə, xarici səthi zədəsiz və ləkəsiz olmalıdır. Çirklənmə, xəstəlik əlaməti olmamalıdır.
Dostları ilə paylaş: |
