B1 vitamini – tiamin və ya anevrin də adlanır. Tərkibində kükürd və amin qrupu vardır. İlk kəşf edilən vitamindir, işığın və havanın təsi-rindən parçalanmır, turşulara davamlıdır, qələvi mühitdə qızdırıldıqda par-çalanır. Onun sintetik preparatları tiamin-xlorid və ya tiamin-bromid şəklində olur.
B1-in çatışmazlığı həddindən artıq rafinadlaşdırılmış yeyinti məhsulları ilə qidalandıqda hiss olunur. Çörək bişirmək üçün bəzən əla və 1-ci sort buğda unlarını B1 ilə vitaminləşdirirlər.
B1 ən çox düyü kəpəyində və dənli bitkilərin aleyron təbəqəsində olur. B1 vitaminin məhsullarda miqdarı mq%-lə aşağıdakı kimidir: buğda dəni – 0,41; 1-ci sort buğda unu – 0,25; 2-ci sort buğda unu – 0,35; düyü kəpəyi – 1,1; kəpəkli çovdar unundan çörək – 0,18; kəpəkli buğda unun-dan çörək – 0,21; 1-ci sort buğda unundan çörək – 0,16; qarabaşaq yarması
– 0,50; noxud – 0,72; mərci – 0,50; kartof – 0,12; yerkökü – 0,1; pomidor
– 0,1; ağbaş kələm – 0,06; mal əti – 0,07; beyin – 0,29; qaraciyər – 0,38; süd – 0,03 və xəmir mayasında 1,8.
Orta yaşlı insanın B1 vitamininə sutkalıq tələbi 1,5-2,6 mq-dır.
Dostları ilə paylaş: |
