| "Əsas məsələ eşqdir!"
Əgər həyatda məhəbbət olsa, evdən bayırdakı çətinliklər asan olacaq. Qadın üçün də evin daxilindəki çətinliklər asanlaşacaq.2
Nikahda əsas məsələ məhəbbətdir; qız və oğlanlar bunu bilsinlər. Allahın sizin qəlbinizdə qoyduğu bu məhəbbəti qoruyun.3
Bu insani əlaqə duyğusal əlaqə və məhəbbət əsasındadır; yəni ər və arvad bir-birinə məhəbbətli olmalıdırlar. Bu məhəbbət onların birgə yaşayışını asanlaşdıracaq. Məhəbbətin amili də pula, dəbdəbəyə və bu kimi işlərə bağlı deyil.4
Məhəbbət ailəni möhkəm edir. Məhəbbət ailənin gözəlləşməsinin səbəbkarıdır. Çətin işlər məhəbbətin sayəsində asanlaşır. Allah yoluna da əgər insan məhəbbətlə daxil olsa, bütün işlər asanlaşacaq, problemlər asanlaşacaq.5
Qız və oğlan, gəlin və bəy bir-birinə sevgi göstərsinlər. Çünki sevgi bunları bir-biri üçün qoruyan, bir-birinin yanında saxlayan və bir-birindən ayrılmağa qoymayan amildir. Sevgi çox yaxşı bir şeydir. Sevgi olsa, vəfadarlıq da olacaq, vəfasızlıq, səmimiyyətin olmaması və bir-birinə xəyanət daha baş verməyəcək. Sevgi olsa, ünsiyyətli, dözməli, faydalanmalı və şirin mühit yaranacaq.6
Dostları ilə paylaş: | 
