İşğalçı rejimlə mübarizənin ümumi xətti bu olmalıdır:
a) İşğalçı rejimi işğal olunmuş torpaqların sərhədləri daxilində həbs etmək, onun iqtisadi və siyasi tənəffüs şəraitini daraltmaq və onun ətraf mühitlə əlaqələrini qırmaq;
b) Fələstin xalqının ölkə daxilində müqavimət və mübarizəsini davam etdirmək və son qələbəyə qədər onlara lazım olan hər növ köməyi göstərmək.
Problemlərin həllinin açarının güclülərin yox, xalqların əlində olması
Son qırx ildə işğalçı rejim tərəfindən Fələstin ölkəsinə və xalqına qarşı edilənlər təcrübə üçün kifayətdir. Bu, dünyanın hakim qüvvələrinə və onların regiondakı əlatılarına üz tutmaq yolunun Fələstinin xilasına heç bir ümid verməyəcəyini sübut etmək üçün kifayətdir.
Bizim böyük İslam inqilabımız göstərdi ki, böyük problemlərin həllinin açarı xalqların öz əlində və insanların iradəsindədir. Onlar Allaha güvənmək və ilahi vədə inanmaqla hakim qüvvələrin planlarına və istəklərinə qalib olacaqlar. Bu gün dünyanın müxtəlif yerlərində baş verən hadisələr göstərir ki, xalqların rolu öncəkindən artıq sübuta yetmişdir. Fələstini işğal edən sionizm rejiminin yırtıcılığı qarşısında dayana bilən və özünün mərd müqaviməti ilə düşməni geri çəkilməyə və məğlubiyyəti qəbul etməyə vadar edə bilən yeganə qüvvə Fələstin xalqının iradəsidir.
Dostları ilə paylaş: | 
